Қамысты ауданында күзгі жиын-терім науқаны қарқынды жүргізілуде.
Аудан шаруашылықтары дәнді және дәнді-бұршақты дақылдарды жинауға толық кірісіп, орташа өнімділік 10 центнер/гектарды құрап отыр. Бұл туралы өңірлік коммуникациялар алаңында өткен брифингте Қамысты ауданының әкімі Ерлан Жаулыбаев мәлімдеді.
«Осы жылы аудан бойынша егіс көлемі 313 мың гектарды құрады. Бұл өткен жылғы көрсеткіштен 13 мың гектарға артық. Дәнді және дәнді-бұршақты дақылдар 260,7 мың га, оның ішінде бидай 237,6 мың га алқапқа егілді. Майлы дақылдар көлемі айтарлықтай артып, 41,2 мың га жетті. Сонымен қатар, 10,9 мың га жемшөп, 157 га картоп, 3 га көкөніс, 15 га бақша дақылдарына бөлінді», – дейді Ерлан Әлімбайұлы.
Егін ору жұмыстарын уақытылы және сапалы жүргізу үшін 1 425 ауыл шаруашылығы техникасы жұмылдырылды. Оның ішінде 806 трактор, 288 комбайн, 331 жүк көлігі бар. Сондай-ақ, науқанға шамамен 1 500 адам тартылған. Аудан шаруашылықтары жыл басынан бері 664 млн теңгеге 14 жаңа техника сатып алды. Оның ішінде 6 трактор, 3 комбайн, 4 ауыл шаруашылығы жабдығы және 1 арнайы техника бар.
«Көктемгі егіс көлемінің артуына мемлекеттік қолдау шаралары айтарлықтай ықпал етті. Атап айтқанда, жеңілдетілген несиелеу бағдарламалары аясында 23 ауыл шаруашылығы тауарын өндірушіге жалпы сомасы 1 млрд 121 млн теңге көлемінде қолдау көрсетілді. Мал азығын дайындау жұмыстары да табысты өтті. Аудан бойынша 64 мың тонна шөп дайындалып, облыстық жоспар толық орындалды. Сонымен қатар, 13,8 мың тонна пішен мен 27,3 мың тонна сабан жиналды. 15,2 мың тонна сүрлем әзірленіп, жоспар 119%-ға орындалды», – дейді ауданы әкімі.
Қамысты ауданының ауыл шаруашылығы құрылымдары егін орағын ұйымшылдықпен атқарып, жыл соңына дейінгі жоспарларды орындауға толық дайын.
Шұға ҚОҢҚАБАЙ
Суретті түсірген – Бердіболат КӨРКЕМБАЕВ
В нем приняли участие семьи и молодежь Костанайской области, передает «Наш Костанай» (далее…)
В акции приняли участие 50 государственных служащих, которые вместе с работниками лесного хозяйства внесли свой…
Этому рады рыболовы Узункольского района: им есть где насладиться не только красотой и покоем водных…
Лето - это не только время для отдыха, но и отличная возможность для молодежи сделать…
Киокушинкай каратэ — қанатын кеңге жайған шығыс жекпе-жегі. Жапон тілінен тәржімасы асқақ ақиқаттың қоғамы дегенге…
Благоустройство - не всегда только про лопаты и лейки. Иногда для того, чтобы изменить мир…
This website uses cookies.