Облыстық көркемөнерпаздардың халық шығармашылығы мен кино бейнеқор орталығының ұйымдастыруымен өткен Мәдениет және өнер қызметкерлеріне арналған жыл қорытындысы аясында Қамысты ауданының мәдениет ұжымы жүзеге асырған «Бабалар ізімен» жобасы мәдениет ұйымдары арасында үздік жоба деп танылып, арнайы марапатқа ие болды.
Қамысты ауданы жыл сайын жақсы жаңалықтарымен, тың идеяларымен және жаңа жобаларымен танылып келеді. Биыл да өңір абыройын асқақтатқан ерекше жоба көпшілік көңілінен шықты. Аталған жобаның авторы – Қамысты аудандық мәдениет үйінің басшысы Еркебұлан Кәрімұлы.
«Бабалар ізімен» жобасы аясында тұлпар мінген серілер облыс көлеміндегі бірқатар аудан мен қаланы аралап шықты. Жобаның негізгі мақсаты – ұлттық өнерімізді, салт-дәстүрімізді, ұлттық киімдер мен музыкалық аспаптарды кеңінен насихаттау. Осы игі мақсатта алты азамат атқа қонып, бес өңірге рухани сапар жасады.
Әр салада, әрбір еңбек жолында адамның табандылығы мен еңбегінің өз жемісі болады. Мәдениет пен өнер саласында да жыл бойғы еңбектің нәтижесі сараланып, үздік өнерпаздар мен үздік жобалар марапатталды.
Өнер жолы – үлкен жауапкершілікті, төзім мен ерік-жігерді талап ететін жол. Айтыс, терме, дәстүрлі ән, ұлттық аспаптар ансамблі, би өнері, театр жанры, жаңа жобалар мен үздік концерттер – осының барлығы ұлттық мәдениетіміздің ажырамас бөлігі.
Жоба жетекшісі, Қамысты аудандық мәдениет үйінің директоры Еркебұлан Кәрімұлы былай деді:
«Бұл жобаның бастауына Астанада жүзеге асқан «Сал-серілер ізімен» атты бастама себеп болды. Жоба авторларымен келісіп, Қостанай өңірінде өткізуге рұқсат алып, атауын «Бабалар ізімен» деп өзгерттік. Мақсатымыз – ұлттық киім, ат, салт-дәстүр мен домбыраны насихаттау болды. Жоба Ұлттық домбыра күніне орай ұйымдастырылып, өз мақсатына жетті деп ойлаймын. Сапар барысында Денисов ауданы, Лисаков қаласы, Бейімбет Майлин ауданы, Рудный қаласы және Қостанай ауданы қамтылды», – дейді ол.
Аталған сапарға термеші, дәстүрлі әнші Абзал Алпысов та қатысып, бес жігіттің құрамында өнер көрсетті. Ол бұл бастаманың маңыздылығына тоқталып, жобаның мазмұны мен форматы жағынан ерекше болғанын атап өтті. Оның айтуынша, ел аралап, ат үстінде жүріп ұлттық өнерді насихаттау – көрерменге де, өнер иелеріне де үлкен рухани әсер сыйлаған.
«Бабалар ізімен» жобасы – ұлттық құндылықтарды ұлықтап, рухани сабақтастықты жалғаған мазмұнды әрі маңызы зор бастама ретінде жоғары бағаланды.
Шұға ҚОҢҚАБАЙ
«Тазару күніне» орай аудан тұрғындары игі іске жұмылды (далее…)
К этой ситуации земледельцы Узунколя уже привыкли, потому что понимают: дело имеют с регионом рискованного…
Тұрғындар ұлттық тағамдар мен киіз үйлер көрмесі арқылы мерекенің көрігін қыздыра түсті (далее…)
Ауданымызда Ұлыстың ұлы күні – әз Наурыз мейрамы жоғары деңгейде аталып өтті. (далее…)
Наурыз мейрамы аясында ауданымызда ұлттық спорттың көркі саналатын ат жарысы жоғары деңгейде ұйымдастырылып, көрермендерге ерекше…
This website uses cookies.