Қостанай облысы әкімінің тапсырмасына сәйкес, Қамысты ауданында ауылдық елді мекендерді көше жарығымен қамтамасыз ету бойынша жұмыстар жалғасуда.
2025 жылы аудан бойынша көше жарығын жаңғыртуға жалпы 39,2 млн теңге бөлінді. Оның ішінде 26,2 млн теңге – облыстық бюджеттен, 6,5 млн теңге – аудандық бюджеттен, 6,5 млн теңге – тартылған инвестициялық қаражаттардан.
«Аталған қаражат есебінен Ливанов, Фрунзе, Свободное, Қамысты және Клочково ауылдарында жарықтандыру жұмыстары жүргізілді. Нәтижесінде 140 көше шамы орнатылды, 90 электр бағанасы жаңартылып қойылды, 8 шақырым көшеге жарық тартылды, 14,7 шақырым ескі электр желісі СИП кабельмен алмастырылды», – дейді Қамысты ауылдық округінің әкімі Бейбіт Меңдәулетов.
Аталған шаралар электр энергиясының тұрақтылығын арттырып, жарық беру жүйесінің сенімділігін қамтамасыз етті.
2025 жылдың қорытындысы бойынша Қамысты ауданында 196 көшенің 187-сі, яғни 95,4% жарықпен қамтамасыз етілді. Жалпы 151 шақырым көшеде жарық шамдары тұрақты жұмыс істеп тұр.
Сонымен қатар, биыл облыстық бюджет есебінен Ливанов және Фрунзе ауылдарына 15 млн теңге бөлініп, әр ауылға 30-дан жарық шамы орнатылды.
Аудан орталығында орналасқан «Атамекен» саябағында 26 жарық шамы бар бағана орнатылды. Бұл мақсатқа 6,5 млн теңге аудандық бюджеттен бөлінді.
Қамысты ауданы әкімдігінің мәліметінше, елді мекендерді жарықтандыру жұмыстары алдағы уақытта да жалғасады.
Шұға ҚОҢҚАБАЙ
Жер астынан шыққан қайнар. (далее…)
На огнезащитную обработку деревянных конструкций кровли в 20 учебных заведениях района выделено 2 млн тенге.…
Сарыкөл ауданының полиция бөлімінде пробация қызметінің есебінде тұрған азаматтармен ақпараттық-түсіндіру кездесуі өтті. (далее…)
Өлеңді ауылының тұрғыны Ерболат Бияхметов атадан қалған қамшы өру өнерін қайта жаңғыртып, ұлттық қолөнерді дәріптеп…
Денсаулық – қоғамның ең қымбат байлығы. (далее…)
This website uses cookies.