Білім беру саласындағы олқылықтарды жойып, білім сапасын көтеруді көздейтін ұзартылған күн тобы өңірдің бірқатар мектептерінде ашылды. Қазір бұл үрдіс Қамысты ауданында да сәтті жалғасын табуда.
Жаңа оқу жылынан бастап Қамысты ауданының білім беру ұйымдарында мемлекеттік тілде білім алушылар қатарын көбейту үшін бастауыш сынып оқушыларына арналып ұзартылған күн тобы енгізілді. Қазір төрт мектептің осы жүйеге көшкенін айтуға болады. Олар – №2 Қамысты және Алтынсарин, Қарабатыр, Краснооктябрь ауылдарындағы жалпы білім беретін білім ошақтары. Алпыстан астам білім алушы үшін ұзартылған күн топтары, сабақтары ұйымдастырылды (мемлекеттік тілмен бастауыш сыныптар контингенті 100%). Бұл туралы аудандық білім бөлімінің басшысы Талғат Қуанышбаев айтты.
Жалпы Қамысты ауданының орталығында жалғыз қазақ мектебі бар. Ол – №2 Қамысты жалпы білім беретін мектеп. Бұл білім ошағы 300 балаға шақталған. Бірақ бүгінде мұнда 87 ғана оқушы білім алып отыр. Ал білім басқармасы қолға алған бастама осындай мемлекеттік тілдегі мектеп оқушыларының қатарын арттыру үшін жасалып отырған іс. Бұл тіл білмейтін ата-аналар үшін балаларын оқытуда үлкен көмек.
«Сабақтарды өткізу үшін осы мектептердің бастауыш сыныптарының 8 педагогы жұмысқа тартылды. Ұзартудың жұмыс уақытын мектеп әкімшілігі ата-аналардың тілектерін ескере отырып анықтады. Сабақтан кейін айналысатын топтар бар, түстен кейін келетін оқушылардың топтары да бар. Дамыту сабақтары, ойындар барысында балалар тілді үйренуге, үй тапсырмасын орындау кезінде мұғалімнің көмегін алады. Бұл ата-аналарға баланың мінез-құлқы мен үлгерімін бақылауды жүзеге асыруға тиімді көмек. Егер ата-аналар мемлекеттік тілді жетік білмесе, ата-аналар «ұзартылған күн тобын» мемлекеттік тілді қолдау жөніндегі пәрменді шара деп санайды», – дейді Талғат Қуанышбаев.
Ұзартылған күн тобы бар мектептерде күн сайын балалар сабақтан кейін осында келеді. Мұнда мұғалімдер шәкірттерге үй тапсырмаларын орындауға көмектеседі. Олардың бос уақыты да тиімді ұйымдастырылған. Балалар арнайы үйірмелерге қатысып, белгіленген уақытта ойнап та, тынығып та үлгереді. Оның сыртында оқушылар көркемөнер, ән-күй, би, шахмат үйірмелеріне қатысады. Тіпті, бастауыш сынып оқушылары жол қозғалысы ережелері бойынша арнайы дәріс алады. Арнайы топқа баратын оқушылардың ас-ауқатына да аса мән берілген. Балаларға ыстық тамақ беріледі.
Шұға ҚОҢҚАБАЙ
Во время встречи каждому обратившемуся подробно объяснили, с чего начать и куда обращаться в случае…
Бала күні кеше ғана үлкен өмірге қадам басып, ақ халат киюді армандаған жас жеткіншектер бүгінде…
Мемлекет басшысы Қасым-Жомарт Кемелұлы Тоқаев құқық қорғау органдарының басшыларымен өткен кеңесте «Заң және Тәртіп» қағидатын…
Алтынсарин ауылының тұрғыны Дәурен Ержанов «Ауыл аманаты» бағдарламасының мүмкіндігін пайдаланып, жылқы шаруашылығын қолға алды. (далее…)
Волонтеры ОФ «Жанашыр бол» совместно с полицейскими Костанайского района 22 сентября встретились с населением Московсковского…
Участники разбирали реальные ситуации, учились отличать травлю от обычного конфликта и говорили о признаках, по…
This website uses cookies.