Қамысты ауданында елді мекен және ауылішілік жолдарды жөндеу жұмыстары жоспарға сай жүргізілуде. Бұл жұмыс жергілікті тұрғындардың тұрмыс сапасын арттыруға бағытталған маңызды шаралардың бірі.Жол жөндеу жұмыстары «Камыстыстройсервис» ЖШС мердігер мекемесі арқылы атқарылуда. Жоба аясында жалпы сомасы 500 миллион теңгеден астам қаржы бөлініп, бірнеше ауылда көше жолдарын қалпына келтіру көзделген.
Атап айтқанда, жөндеу жұмыстары, Қамысты ауданының орталығында – 15 көшеде, Адаев ауылында – 1 көшеде, Алтынсарин ауылында – 2 көшеде жүргізілуде.
Қазіргі уақытта жол төсеу және тегістеу жұмыстарының 80 пайызы аяқталып, соңғы кезеңдері жүзеге асырылып жатыр. Ауылішілік жолдың құрылысы толықтай аяқталуға жақын қалды.Мердігер мекеме бекітілген мерзімді сақтай отырып, жұмыстарды сапалы орындауға күш салып отыр.
«Қамысты ауданы бойынша 57 шақырым жолда құрылыс орташа жөндеу және ағымдағы жөндеумен қамтылған. Күзге дейін жоспарда тұрған барлық жолдардың жұмыстарын аяқтаймыз. Оның ішінде ауылішілік жолдармен қатар замануи жарықтандыруларды да қамтыдық», – деді….
Қазір құрылыс барысында мердігер «Камыстыстройсервис» жауапкершілігі шектеулі серіктестігі тынымсыз жұмыс жүргізіп, ауылішілік жолдардың құрылысы қарқынды түрде жасалуда.
Аудан тұрғындары аталған жұмыстарға оң бағасын беріп, жаңарған жолдар әсіресе мектепке баратын оқушылар мен егде жастағы азаматтар үшін қолайлы болатынын айтуда.
«Жобалардың басты мақсаты – аудан және ауыл тұрғындарының қауіпсіз әрі жайлы жүріп-тұруын қамтамасыз ету. Жөнделген жолдар жолаушылар мен көліктер үшін ыңғайлы ғана емес, сонымен қатар күзгі-қысқы уақытта қатынасты жеңілдетуге септігін тигізеді», – деп нақтылады аудандық әкімдік.
Қамысты ауданындағы бұл жобалар – ауылдық және аудан орталығы аумақтарының әлеуметтік инфрақұрылымын жақсартуға бағытталған нақты қадам. Жергілікті тұрғындар алдағы уақытта сапалы жолдың игілігін көретініне сенімді.
Аудан әкімдігі алдағы уақытта да ауылішілік инфрақұрылымды жақсарту бағытындағы жұмыстар жалғасын табатынын мәлімдеді.
Шұға ҚОҢҚАБАЙ
Елдің ықыласына бөленген игі істер – қоғамдағы адамгершілік пен жанашырлықтың жарқын көрінісі. (далее…)
Подозреваемого уже задержали, об этом сообщает "Тоболинфо" (далее…)
Как лучше понимать своего ребенка, поддерживать его в период взросления и выстраивать отношения, основанные на…
Обеспечение надежной охраны государственной границы и укрепление пограничной безопасности всегда остаются в числе ключевых приоритетов…
В Камыстинском районе подвели итоги конкурса видеороликов и короткометражных фильмов на тему «Таза Қазақстан». Всего…
Этот значимый подарок для Нурдаулета Чажабаева и Альфии Рахметовой, воспитывающих пятерых детей, стал возможен благодаря…
This website uses cookies.