Биыл Арқалық қаласының құрылғанына 70 жыл толуына орай облыс бюджеті қайта қаралып, қомақты қаржы шаһарды жаңғыртуға бағытталды.
Бұл мәселе облыстық мәслихаттың кезектен тыс сессиясында қаралды. Жиынға қатысқан облыс әкімі Құмар Ақсақалов Арқалыққа ерекше көңіл бөлінудің себебін ашық айтты.
– Арқалыққа барып көргендердің бәрі жағдайды жақсы біледі. Өкінішке қарай, басқа қалаларымызбен салыстыру қиын. Инфрақұрылым сапасы жағынан қала артта қалып қойған. Бұл – біздің облыстың бір бөлшегі. Сондықтан Арқалық қолдау көруге лайық, көптен бері лайық, – деді өңір басшысы.
Бюджетті нақтылау нәтижесінде энергетика және тұрғын үй-коммуналдық шаруашылық саласына 5,1 млрд теңге бағытталмақ. Бұл қаражат су және жылу желілерін жөндеуге, инфрақұрылымдық жобаларды аяқтауға жұмсалады. Жолаушылар көлігі және автомобиль жолдары басқармасына 2,3 млрд теңге бөлініп, жолдарды жөндеу, теміржол стансаларын жаңарту және маршруттық көліктерді ұйымдастыру жоспарланып отыр. Құрылыс саласына 2 млрд теңге қарастырылған.
Арқалықтың өзіне келсек, көпқабатты үйлердің қасбеттерін қаптауға 1,3 млрд теңге, абаттандыру жұмыстарына 592 млн теңге бөлінеді. Көше жолдарын жөндеу де назардан тыс қалмайды.
–Басқа қалаларда аулаларға, қасбеттерге, тротуарларға жыл сайын қаржы бөлінеді. Ал Арқалықта бұл жұмыстар жүйелі түрде жүргізілмеген. Мемлекет басшысының өңірлерді дамыту туралы тапсырмасы бар. Оны өзіміз орындауымыз керек, – деп атап өтті Құмар Ақсақалов.
Сондай-ақ «Жігер» стадионын жөндеуге, жабық хоккей кортының құрылысын аяқтауға, Мәдениет сарайы мен «Жас көрермен» театрына, филармония жанынан «Шертер» ансамблін ашуға қаражат қарастырылған.
Облыс әкімі барлық негізгі жұмыстарды шілде айының соңы мен тамыз айының басына дейін аяқтау жоспарланып отырғанын айтты.
–Мерейтой кезінде Арқалық мүлдем басқа кейіпке енеді. Бүгін қолдап отырған қаржының нақты нәтижесін өздеріңіз келіп көресіздер», – деді өңір басшысы.
Осылайша, 70 жылдық мерейтой қарсаңында Арқалық жаңарып, өңірдегі ең ауқымды жаңғыру жобаларының біріне айналмақ.
Шұға ҚОҢҚАБАЙ
Суреттерді түсірген – Бердіболат КӨРКЕМБАЕВ
Торғай топырағында ұлттық өнердің тамырын тереңге жайып, оны бүгінгі ұрпаққа аман жеткізіп отырған аяулы жандар…
Топливо будет поставляться в соответствии с графиком - с марта по июнь. (далее…)
Несмотря на определенные трудности в сельской школе в виде отсутствия современных технологий и возможностей, Юлие Николаевне хочется, чтобы…
Жерлесіміз Серік Тұрғынбекұлы – 80 жаста! (далее…)
В 2025 году сельхозформированиями области приобретено 1,3 тыс. единиц техники и агрегатов на 57 млрд…
Этот вопрос сегодня обсудили на аппаратном совещании с участием акима области Кумара Аксакалова. (далее…)
This website uses cookies.