Орталық – Батыс күрежолы құрылысы іске қосылып, Қазақстанның орталық өңірлері Транскаспий халықаралық көлік бағытымен байланысқа шығады.
Бұл жобаның жүзеге асуы аймақтың көлік жүйесін жаңартып, тұрғындардың өмір сапасын арттырады.
Көлік министрі Марат Қарабаев Қостанай облысында «Орталық – Батыс» автожолының құрылысына дайындық барысын тексерді. Жоба бойынша жобалық құжаттама әзірлеу жұмыстары басталып, құрылыс жақында қолға алынбақ.
«Орталық – Батыс» жолы Ақмола, Қостанай және Ақтөбе облыстарындағы шалғай ауылдар мен аудандардың жол мәселесін шешеді. Қостанай облысындағы Арқалық, Амангелді мен Жангелдин аудандары, Ақмола облысының Егіндікөл мен Жарқайың аудандары, сондай-ақ Ақтөбе облысының Ырғыз ауданы мен Астана арасындағы жолдар айтарлықтай жақсарады. Осылайша, жаңа жол бағыты Астанадан батысқа дейінгі қашықтықты 865 шақырымға дейін қысқартады. Бұл жобаның облыс тұрғындарына пайдасы көп, көлік қатынасы әлдеқайда жеңілдейтін болады.
Тағы бір қуанышты жаңалық – Арқалық қаласының әуежайы қалпына келтірілмек. Қазіргі уақытта жобалық құжаттама әзірленіп, әуежайдың құрылысына дайындық жұмыстары аяқталып қалды. Жаңа екі қабатты әуежай кешені салынады, ұшу-қону жолағы мен басқа да инфрақұрылымдар жөнделеді. Бұл жаңалық аңшылық туризмді дамытуға да үлкен серпін береді.
Әуежайдың жаңа кешенінің жалпы алаңы 3 200 м². Сағатына 70 жолаушыға қызмет көрсететін әуежайдың ұшу-қону жолағы 2,5 мың метрге дейін ұзартылып, такси жолы мен перрон да жөнделеді. Сонымен қатар, аэронавигациялық және метеорологиялық жабдықтар жаңартылады.
Қостанай, Астана және Алматыға субсидияланатын рейстер іске қосылады деп күтілуде. Бұл жаңа әуежай кешені аймақтың экономикалық дамуында маңызды рөл атқарып, аңшылық туризмнің өркендеуіне жол ашады.
Шұға ҚОҢҚАБАЙ
В школе-гимназии для учащихся 8-11 классов прошел психологический семинар «Границы безопасности: семья, зависимость и сила…
Қамысты ауданында бұқаралық спортты дамытуға және тұрғындарды салауатты өмір салтына тартуға басымдық беріліп келеді. (далее…)
В Наурзумском районе проблема безнадзорного и бродячего скота особенно актуальна в период сезонного выпаса. …
На 1 сентября 2026 года в регионе работали 59 717 субъектов малого и среднего предпринимательства.…
Шеген ауылының тумасы, жерлесіміз Ахмет Есен халықаралық додада ел намысын абыроймен қорғап, жеңіс тұғырынан көрінді.…
В экологическом мероприятии приняли участие организации, учреждения и предприятия всех форм собственности. (далее…)
This website uses cookies.