Тұрғындар аптасына екі рет қатынайтын әуе рейстерінің бірін демалыс күніне ауыстыруды сұрады
Қостанай облысында Арқалық-Қостанай бағытындағы әуе рейстерінің кестесін өзгерту мәселесі көтерілді. Тұрғындар аптасына екі рет орындалатын рейстердің бірін сенбі немесе жексенбіге ауыстыруды ұсынды.
Бұл мәселе Қазақстан Республикасы Көлік вице-министрі Жәнібек Тайжановтың Қостанай облысына жұмыс сапары кезінде өткен тұрғындармен кездесуінде айтылды.
Қазіргі уақытта Арқалық-Қостанай бағыты бойынша рейстер аптасына екі рет – сейсенбі және жұма күндері орындалады. Алайда тұрғындар үшін демалыс күндеріндегі қатынас ыңғайлырақ екенін айтып, рейстердің бірін сенбіге немесе жексенбіге ауыстыруды сұрады.
Мамандардың айтуынша, әуе рейстерінің нақты уақыты мен жиілігін белгілеу авиакомпаниялардың құзыретіне жатады. Дегенмен жауапты органдар тасымалдаушылармен бірлесіп, жолаушылар сұранысын зерттеп, рейс кестесін қайта қарау мүмкіндігін қарастыра алады.
«Қажет болған жағдайда рейстердің уақытын өзгерту немесе қосымша бағыттар ашу жөнінде авиакомпанияларға ұсыныс енгізілуі мүмкін», – деп түсіндірді мамандар.
Осылайша, әзірге Арқалық-Қостанай рейсінің нақты өзгеретіні туралы шешім қабылданған жоқ. Алайда тұрғындардың ұсынысы назарға алынып, әуе тасымалдаушыларымен талқылануы мүмкін.
Жиында бұдан бөлек автомобиль жолдарын жөндеу, теміржол вокзалдарын жаңғырту, жолаушылар вагондарының паркін жаңарту, әуе қатынасын кеңейту және шекаралық өткізу пункттерін дамыту мәселелері талқыланды.
Тұрғындар көтерген барлық ұсыныс кездесу хаттамасына енгізілді. Вице-министр жауапты құрылымдарға мәселелерді жан-жақты пысықтап, олардың орындалуын бақылауда ұстауды тапсырды.
Шұға ҚОҢҚАБАЙ
Уборочная кампания в Камыстинском районе продолжается (далее…)
Отмечаемый впервые праздник направлен на сохранение и популяризацию исконных национальных пород собак, которые считаются частью…
Ранее эту хорошую новость до населения мы уже доносили, но оказалось, что тариф стал доступнее…
Денисов ауданының белсенді жастарының бірі, ерікті, азаматтық қорғау аға лейтенанты Ерлан Срымов облыстық «Үздік қарауыл…
Қостанай облысында тұрғындар «Орталық – Батыс» автожолының Торғай – Ырғыз учаскесінің құрылысына қатысты сұрақ қойды.…
Буренка уже 15 лет радует глаз жителей и проезжающих автомобилистов, также становится героиней фотографий. На…
This website uses cookies.