Арқалық қаласында көптен бері қараусыз қалған мәдениет үйіне күрделі жөндеу жұмыстары басталды. Жалпы аумағы жеті мың шаршы метрді құрайтын үш қабатты ғимараттың толық жаңғыруы жоспарланып отыр. Бұрын қала сәулетінің көркі саналатын бұл нысан соңғы он жылдан астам уақыт бойы бос тұрған.
Арқалық қалалық мәдениет үйінің сахнасы соңғы 15 жылда бос тұрған. Осы уақыт ішінде қаладағы ең танымал мәдени демалыс орнының шатыры, қабырғалары және инженерлік жүйелері әбден тозығы жетіп, күрделі жөндеуді қажет етті.
Мекеме директоры Замзагүл Мергенованың айтуынша, жөндеу жұмыстары аяқталған соң көрермендер залына 550 орындық орнатылады, жоғарғы яруста – 350, төменгі бөлікте – 150 орын.
– Қалада 100-ден астам шығармашылық ұжым бар. Алайда олардың дайындық жұмыстарын жүргізу үшін қолайлы орын жоқ. Оркестр гуманитарлық колледждің акт залында, хор ұжымдары қаладағы университет пен колледж кабинеттерінде жаттығады. Театр сахнасында да кейде бірігіп дайындаламыз. Би топтары басқа кешенде репетиция жасайды, – деді Замзагүл Мергенова.
Күрделі жөндеу жұмыстары екі жыл бұрын басталған болатын. Дегенмен жобалық-сметалық құжаттама бірнеше рет қайта қаралғандықтан, жұмыс барысы уақытша тоқтап тұрған.
– Қазіргі таңда жылу жүйесі, терезелер толық ауыстырылды, электр монтаждау жұмыстары аяқталды. Ең күрделі жұмыстар аяқталды. Жобаның жалпы құны 1 миллиард теңге. Бүгінде осы соманың жартысынан астамы игерілді. Келісімшарт бойынша нысанды 31 шілдеге дейін тапсыру жоспарланған. Қажет болған жағдайда мерзім ұзартылуы мүмкін, – дейді Арқалық қалалық мәдениет және тілдерді дамыту бөлімінің міндетін атқарушы Жайнар Әубәкірова.
Қаланың шығармашылық ұжымдары биылғы тамыз айында жаңартылған мәдениет үйіне ораламыз деген үмітте.
Шұға ҚОҢҚАБАЙ
Этот обряд песнопения, который проводится во время священного месяца Рамадан, творческие коллективы районного Дома культуры…
Восьмиклассница Амели Ермагамбетова уверенно обошла более взрослых и опытных спортсменок, участвующих в чемпионате. (далее…)
Президент Касым-Жомарт Токаев ознакомился с результатами экзит-полла, проведенного в ходе республиканского референдума, сообщается в Telegram-канале Акорды.…
Спортсмены, неся надежду своих районов, подошли к турниру с всесторонней подготовкой. (далее…)
Саяси науқанның қорытынды сәті: №870 референдум учаскесінде санақ жүргізілді. (далее…)
101-летняя жительница Сарыколя Августа Дубровец сделала свой выбор на Общенациональном референдуме по принятию новой Конституции…
This website uses cookies.