Арқалық қаласында сот шешімімен таратылған қайырымдылық ұйымының ғимаратында заңсыз діни қызмет жүргізілгені анықталды. Бұл туралы облыстық дін істері жөніндегі басқармасы хабарлайды.
Өңірдегі діни ахуалға мүдделі органдармен мониторинг жүргізу барысында анықталып отыр. Тексеру нәтижесінде Арқалық қаласында орналасқан, бұған дейін сот шешімімен таратылған қайырымдылық ұйымға тиесілі жеке мекеменің ғимаратында Алматы қаласының тұрғыны «Ж» есімді азаматтың діни сабақтар мен діни рәсімдер өткізгені белгілі болды. Аталған іс-шараларға Арқалық қаласының кәмелетке толмаған төрт оқушысы мен бес жоғары оқу орнының студенттері қатысқан.
«Бұрын Арқалықта қайырымдылық мекемесі болған, бірақ құзырлы органдар тексеріп, сот шешімімен жабылды. Кейін сол мекеменің базасында «Торғай» атауымен жаңа қайырымдылық мекемесі құрылып, балаларды діни оқыту қызметі қайта басталды. Кеше «Ж» есімді азамат жауапқа тартылды, тағы екі тәрбиешіге қатысты сот процесі жүріп жатыр. Қосымша ақпарат сот шешімі шыққан соң жарияланады», – деді облыстық дін істері басқармасының өкілі Сапарғали Әбдиев.
Анықталғандай, діни оқыту діни бірлестік мәртебесі жоқ, діни қызметке арналмаған үй-жайда жүргізілген. Сонымен қатар діни әдебиеттер дінтану сараптамасының оң қорытындысынсыз пайдаланылған.
Ресми мәліметке сәйкес, бұл қайырымдылық ұйымы 2025 жылы сот шешімімен таратылған. Аталған факті бойынша сот шешімімен мекеме тәрбиешісі «Ж» Қазақстан Республикасының Әкімшілік құқық бұзушылық туралы кодексінің 490-бабы 3-бөлігіне сәйкес миссионерлік қызметті тіркеусіз жүзеге асырғаны және діни әдебиеттерді тиісті сараптамасыз пайдаланғаны үшін кінәлі деп танылды.
Қазіргі таңда сот шешімі заңды күшіне енген жоқ.
Шұға ҚОҢҚАБАЙ
Суретті облыстық дін басқармасынан алынды
Это позволило увеличить количество койко-мест для пациентов гастроэнтерологического, пульмонологического и нефрологического направлений. (далее…)
Өңірде өрт қауіпсіздігі кезеңі басталды. (далее…)
Костанайские баскетболисты демонстрируют уверенный старт в новом сезоне. После первого тура чемпионата Республики Казахстан среди…
6-10 сынып білім алушылары арасында «Оқырман мектебі» жобасының аудандық кезеңі өтті. (далее…)
Меңдіқара аудандық білім бөлімі мен полиция бөлімі бірлесіп, Первомай жалпы білім беретін мектебі базасында жас…
В Сарыкольском районе состоялось общественное слушание по реализации социального проекта «Организация работы по ресоциализации и…
This website uses cookies.