Құрылысы 19,5 млрд теңгені құрайды.
Арқалықта әуежайды қайта жаңарту жұмыстары қарқынды жүргізілуде. Ұзақ уақыт бойы пайдаланылмаған әуе айлағы енді толықтай жаңартылып, қайта іске қосылмақ.
Облыстық жолаушылар көлігі және автомобиль жолдары басқармасының мәліметінше, жобаның жалпы құны 19,5 млрд теңгені құрайды. Құрылыс жұмыстарын «СтройЭлитДом» ЖШС жүргізіп жатыр.
Жоба аясында әуежайдың негізгі инфрақұрылымы толық жаңғыртылады. Атап айтқанда, ұшу-қону жолағы қайта салынып, рульдеу жолы мен перрон жөнделеді. Сонымен қатар, заманауи талаптарға сай жаңа аэровокзал кешені бой көтереді. Жаңа терминал сағатына 70 жолаушыға дейін қызмет көрсете алады.
Мамандардың айтуынша, құрылыс жұмыстарын 2026 жылдың шілде айының соңына дейін аяқтау жоспарланып отыр. Осыдан кейін әуежайды пайдалануға беру және тұрақты әуе рейстерін іске қосу кезеңі басталады.
Алғашқы кезеңде Астана, Қостанай және Алматы қалаларына тұрақты рейстер ашу көзделген. Бұл бағыттар өңір тұрғындары үшін қатынасты жеңілдетіп, уақытты үнемдеуге мүмкіндік береді.
Арқалық әуежайын қалпына келтіру бастамасы алғаш рет 2024 жылдың қазан айында көтерілген болатын. Жоба жүзеге асқан жағдайда, қаладағы көлік инфрақұрылымы айтарлықтай жақсарып, өңірдің әлеуметтік-экономикалық дамуына серпін береді деп күтілуде.
Шұға ҚОҢҚАБАЙ
Для Артема настоящий драйв заключается в запахе бензина, звуке карбюраторного двигателя и аутентичности советской классики.…
Еліміздің Президенті Қасым-Жомарт Кемелұлы Тоқаев халықтың денсаулығын нығайтуда салауатты өмір салтын жүргізіп, спортпен шұғылдануының маңыздылы…
Дело об административном правонарушении в отношении него прекратили, сообщает "ТоболИнфо" (далее…)
В рамках проекта «Связь поколений» Райхан Арыстанова рассказала ученикам о своем профессиональном пути и важности…
Арқалық өңірлік ауруханасында балаларға арналған «Қамқорлық» медициналық оңалту бөлімі ашылды. (далее…)
Қамысты ауданына қарасты Арқа ауылында теміржол саласында 22 жылдан астам еңбек етіп келе жатқан Жанат…
This website uses cookies.