«Мерейлі отбасы» ұлттық байқауының аудандық кезеңінің кезекті қатысушысы Досқалиевтар отбасы шынайы махаббат – шекарасы жоқ шексіз сезім екенін дәлелдеп келе жатқан жұп.
Олай дейтініміз ерлі-зайыпты Ескен мен Иринаның ұлты екі түрлі болса да ұстанымдары бірдей, өмірлік мақсаттары ортақ. Сезімнен басталған сенім үйлесімділік тауып, екеуі бүгінде тату-тәтті ғұмыр кешуде.
Отағасы Ескен Досқалиев 2009 жылы Братское ауылынан Шолақшы ауылына көшіп барады. Сол жерде жұбайы Иринамен танысады. Екі үй бір көшенің бойында орналасқан екен. Көршінің қызына назары түсіп, дос болып араласады. Уақыт өте достық үлкен махаббатқа ұласыпты. Екі жастың өмір жолы осылайша тоғысқан еді.
– Адам өміріндегі ең қадірлі құндылық – отбасы. Шаңырақтың түтінін түзу шығарып, татулық пен сыйластықты серік етіп ұзақ ғұмыр кешу екінің біріне бұйыра бермейтін бақ. Біз сол бақыттың мәңгілік салтанат құрғанын қалаймыз. Отбасын құру туралы шешімге келген күннен бастап осы ойды ұстанамыз,-дейді Ирина Досқалиева.
Кейіпкеріміз жанұяның бірлігін, бүтіндігін ойлап тұрады. Бұл шаңырақта қазақ халқының салт-дәстүрі берік сақталған. Елімізде тойланатын мерекелердің бәрін жұртпен бірге атап өтеді. Наурыз мейрамында ет асып, бауырсақ пісіріп, мол дастархан басында жиналады. Жаңа жылды ерекше көңіл күймен қарсы алады.
Жарасымды жұп қазір Октябрь ауылында тұрып жатыр. Сол жерден үй сатып алып, шаруашылық жүргізуде. Отанасы бала тәрбиесімен айналысып, үй тірлігін ширатып отыр. Ал отағасы Ескен Досқалиев ауылдық полиция бөлімшесінде кезекшінің көмекшісі болып жұмыс істейді. Ұрпақ тәрбиесіне ерекше мән беріп, балаларын адал еңбекке, білімге және ұлттық құндылықтарды құрметтеуге баулып келеді. Отбасындағы өзара сыйластық, ынтымақ пен жауапкершілік – олардың басты құндылықтары.
-Ең бастысы өзара келісім мен түсінісу, құрмет пен қолдау. Ер мен әйелдің арасында сенім орнаған сәтте шаңырақ шаттыққа толады. Біз балаларымыздың адал және әділ адам болып өскенін қалаймыз. Ұлттық салт-дәстүрін ұмытпайтынына сенеміз. Осы бастан үйретіп, бойларына сіңірудеміз. Дастархан басына әрқашан жақсы көңіл-күймен бірге жиналуға күш саламыз. Татулықты насихаттау арқылы ең басты байлық – отбасы екенін түсіндіруге тырысамыз,-дейді отанасы.
Заманның ағымы жыл өткен сайын құбылып, өзгеріп тұрады ғой. Мысалы қазір материалдық байлықтан гөрі отбасының бүтіндігіне ерекше мән беріледі. Үкімет баланың толыққанды жанұяда тәрбие алуына екпін қояды. Бұл тұрғыда алғанда Досқалиевтар шаңырағын үлгілі, нағыз берекелі шаңырақ десек жарасады.
Ескен және Ирина Досқалиевтардың некелескеніне биыл 13 жыл толыпты. Екеуі Дилара, Дана, Әліхан есімді үш перзентті бағып-бағып отыр. Екі үлкені оқушы, кішісі балабақша жасында. Бірлігі жарасым тапқан жанұяның негізгі жетістігі – отбасы бақытын сақтай білуі және оны перзенттерінің санасына сіңіре алуы.
Қымбат ДОСЖАНОВА
Сурет кейіпкердің мұрағатынан алынды.
В рамках экологической программы «Таза Қазақстан» в парке возле обелиска жертв политических репрессий прошел субботник…
Аппаратура стоимостью 4 800 000 тенге предназначена для работы в школьных медкабинетах и на выездных…
В регионе завершают обновление шести вокзалов. По темпам реализации программы область оказалась в числе первых…
Денисов ауданында биыл интернет алаяқтарына алдану фактілері былтырғыдан азайған. Бұл туралы аудандық полиция бөлімі хабарлады…
Найти работу, восстановить документы, разобраться с долгами, наладить отношения в семье и просто понять, куда…
Сегодня, 31 августа, на сессии областного маслихата был рассмотрен один из актуальных вопросов региона —…
This website uses cookies.