Отан алдындағы азаматтық борышын өтеп жүрген Қарасу ауданы Железнодорожный ауылының тұрғыны Тамерлан Бейсембаев үлгілі тәртібі мен жоғары әскери дайындығының арқасында институтта тегін оқу мүмкіндігіне ие болды.
Тамерлан Бейсембаев 2024 жылдың 25-желтоқсанында өз еркімен аудандық әскери комиссариатқа барып, Отан алдындағы азаматтық парызын өтеуге ниет білдірген. Сол кезде жас жігіттің бұл қылығы көпшілікті сүйсіндірген-ді.
– Мен ер-азамат ретінде Отан алдындағы қадірлі парызымды өтегім келді. Жүрек қалауыммен шешім қабылдап, әскерге аттануға бел байладым. Бұл қадамға мені ешкім мәжбүрлеген жоқ. Медициналық комиссиядан өткен соң құжаттарымды рәсімдеп, мені Теміртау қаласындағы №5516 әскери бөліміне шақырды. Сол сәттен бастап өмірімнің жаңа парағы ашылды. Осылайша, мен сарбаз атандым. Әскери өмірге бірден үйренісіп, ілесіп кету оңай емес. Кейде қиындығы сезіледі. Бірақ мен ешқашан өз таңдауыма өкінген емеспін. Әскери парызымды өтей жүріп, өзімді жақсы жағынан көрсете білдім. Менің ынта-жігерім жоғары бағаланып, Алматыдағы әскери институтта тегін оқуға жолдама берді,-дейді сарбаз.
Жас жігітке әскердегі үлгілі тәртібі мен қарым-қабілеті ескеріліп, Алматы қаласындағы Сағадат Нұрмағамбетов атындағы құрлық әскерлерінің әскери институтына оқуға түсуге грант сертификаты табысталыпты. Бұл қолдау сарбазды қанаттандырып, әскердегі қызметін мүлтіксіз жалғастыруға күш бергені анық.
Қымбат ДОСЖАНОВА
В селе Павловское состоялось открытие спортивно-игровой площадки. (далее…)
В состав рабочих групп традиционно вошли сотрудники ювенальной полиции, представители отдела образования, социальной защиты, карьерного…
10 шілде – Ветеринариялық қызметкерлер күні қарсаңында Науырзым ауданы үшін қуанышты жаңалық жетті. (далее…)
Мало кто знает, но управление зеленым фондом сразу трех районов Костанайской области сосредоточено в Денисовке.…
94,8 тыс. га земли, что на 25 тыс. гектаров больше от запланированной площади, отведены под…
This website uses cookies.