Қасиетті рамазан айында Сарыкөл аудандық мешітіне жаңа кілем төселді
7 сәуір күні “Аққозы қажы” орталық мешітіне ұрпақтарының демеушілігімен арнайы тапсырыспен сапалы кілем алынып, жамағат залы жаңартылды
Бас имамның бастамасымен қолға алынған бұл сауапты іске Қаратай Кәкімұлы ақсақал балалары – Асылбек, Темірхан, Шоентай және Мұрат Өтемісовтармен бірге мұрындық болды. Алланың үйіне үнемі көмек беріп жүретін, бүгінде осындай қайырымы көп сауапты іске ұйытқы болған жомарт жандарға мешіттің бас имамы Асылхан қажы Түсіпбек алғыс білдіреді.
– Алдындағы кілем көп уақыттан бері қолданыста болды. Намаз оқитын кілемнің таза болғаны дұрыс. Сол себепті Рамазан айында жаңа кілемді мешітке төсеу жоспарымызда бар еді. Міне, Алланың қалауымен демеушілік танытқан Аққозы қажы ұрпақтарының арқасында мешітімізге жаңа кілем төселді. Алла ол кісілерге разы болсын! – дейді Асылхан қажы Мұханбетжанұлы.
Иә, Алланың берген ризығын оның жердегі үйіне жұмсаған пендеге мейірімді Алланың өзі табысының берекесін береді. Олай болса, біз де Өтемісовтар әулетінің Алланың разылығы үшін жасаған ісі еселене берсін деп тілейміз!
Жалпы, олардың осындай игі істерінен ертеңгі буын тәлім алары сөзсіз.
Руслан ӘЛКЕЕВ
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31