7 мамыр – Қазақстан Республикасының Отан қорғаушылар күні
Бұл тәуелсіз еліміздің өзіндік қорғаныс қабілеті бар екенін білдіретін мереке. Бүгін – Отанымыздың шекарасын күзетіп, бейбітшілігі бұзылмауына, тәуелсіздігі мәңгілікке жалғасуына үлес қосқан ардагерлердің, олардың ізін жалғаған жаужүрек ұлдардың, абыройы асқақ азаматтардың мерекесі. Осы айтулы мереке қарсаңында ауданымызда Отан қорғаушылар күніне орай Докучаев жалпы білім беретін мектебінің акт залында “Ерлік пен елдіктің иесіндей, батырлық пен батылдықтың киесіндей” атты мерекелік концерт өтті.
Мерекелік шара басы аудан әкімі Мәди Ихтиляповтың құттықтау сөзімен басталды.
-Баршаңызды Отан қорғаушылар мерекесімен шын жүректен құттықтаймын! Отан қорғау – перзенттік парыз, мәртебелі міндет. Еліміздің тыныштығы мен жеріміздің тұтастығын сақтау жолында қалтқысыз қызмет етіп жүрген ержүрек жауынгерлеріміздің еңбегі ерен. Біз осындай жандардың ерлігіне қашанда сый-құрмет көрсете білуіміз керек. Сіздердің дендеріңізге саулық, отбасыларыңызға амандық және еңбекте жеміс пен толағай табыстар тілеймін! Ел іргесі бүтін, жұртымыз тыныш болғай, – деді өз сөзінде.
Сондай-ақ, аудан басшысы осы айтулы мереке барысында Амангелді ауданына қарасты Степняк, Қарасу ауылдарында болған су тасқыны қол ұшын берген ауданымыздың еріктілеріне алғыс хат табыс етті.
Мерекелік концерт балалар шығармашылығы үйінің балғын бишілерінің орындауындағы “Батыр” биімен бастау алып, аудандық мәдениет үйінің концерттік бағдардаламасымен жалғасын тауып, көрермендерге жақсы әсем әуен тарту етті.
Қарулы күштеріміздің қуаты нығайып, айбыны асқақтап, даңқы арта берсін! Аудан тұрғындарына осындай ерекше күнде бейбіт өмір, баянды бақыт, татулық пен береке-бірлік тілейміз.
Жібек МЫРЗАҒАЛИ, фотоларды түсірген автор
Учительница русского языка и литературы из Рудного Татьяна Кузнецова занимает третью строчку в категории «Читающий…
Об этом аким Сарыкольского района Марат Шымырбеков рассказал и поблагодарил бизнесменов во время аппаратного совещания…
На территории бывшего пионерского лагеря планируют создать современный круглогодичный центр отдыха для детей и семейного…
В Узункольском районе проблем с природными источниками не было - озёр много и, как говорят…
В Астане наградили победителей Национального конкурса «Мерейлі отбасы-2026». (далее…)
В районной больнице появились современные аппараты, которые помогают пациентам восстанавливать подвижность рук и ног после…
This website uses cookies.