Бұқаралық ақпарат құралдары мен үкіметтік емес ұйымдар арасындағы ынтымақтастықты қалай арттыруға болады? «Ақпараттық ресурстық орталық» ҚҚ ұйымдастырған Еуропалық Одақ жобасы аясында өткен тренинг тақырыбы осыған саяды. БАҚ әлеуметтік мәселені көбірек қаузап, үкіметтік емес ұйымдардың мониторинг нәтижелерін насихаттау жолдарының тәсілдерін көрсетті.
Тренингке қатысушылар журналистермен өзара әрекеттесу, медиа-стратегияларды әзірлеу және мониторинг нәтижелері туралы ақпаратты кең аудиторияға нақты және анық жеткізетін контент құрудың озық тәжірибелері мен әдістерін үйренді. Айта кету керек, тернингке өңірдегі үкіметтік емес ұйымдардың жетекшілерімен тілшілер қауымы қатысты.
Медиа-тренер Александра Сергазинова әлеуметтік желілер мен БАҚ арқылы азаматтық бастамаларды ілгерілету жолдары мен биыл қабылданған «Масс медиа туралы» заңның кейбір тұстарына тоқталды.
– Үкіметтік емес ұйымдар бұқаралық ақпарат құралдарын қалай өзіне көңіл аударту үшін не істеу керектігін жақсы түсіну керек. Керемет іс-шара өткіздіңдер, оны насихаттау үшін БАҚ-пен байланыс болмаса, жұмыстарыңыз көрінбес еді. Ол үшін БАҚ-пен тығыз байланыс қажет. Кез келген журналист жұмысқа тұрған соң қолданыстағы заңды білгені жөн. Барлықтарыңызға белгілі, қазір көптеген блогер, белсенді қоғам мүшесі «Масс медиа туралы» заңға бағынады. Өйткені қоғам белсенділері мен журналистердің үстінен сот істері қозғалып, талап арыз түсіп жатады. Бұл жерде заңға толық шолу жасамасам да, кейбір негізгі тұстарына тоқталып өтемін. Бұған дейін 1999 жылғы заңның аясында жұмыс істеп келдік. Биыл тамыз айында аталған заңнамаға бірқатар толықтырулар мен өзгерістер енді. Өзім де осы жұмыс тобында болдым. Сондай-ақ аталған заңға сәйкес, БАҚ-тың сұратуларын қарау мерзімі 7-ден 5 жұмыс күніне дейін қысқартылды. Бұл журналистерге қажетті ақпаратты қысқа мерзімде алуға мүмкіндік береді. Осылайша ақпараттың өзектілігі сақталады. Яғни, егер қандай да бір азамат өзінің құқығы бұзылды деп тапса, ақпарат құралдарында жарияланған материалдар бойынша, талап қою мерзімі бұған дейін мерзімсіз болған. Бірақ, біз қазіргі таңда талқылау нәтижесінде ол мерзім бір жылға дейін қысқартылды,- дейді Александра Сергазинова.
Тренинг барысында қатысушылар бұқаралық ақпарат құралдарының өкілдері материалдарды әзірлеуде практикалық дағдыларды қалыптастыруды, мониторинг нәтижелерін қалай тиімді көрсету қажеттігі туралы білімдерін жетілдірді.
-Мұндай тренингке бірінші рет қатысуым. Күні бойы теориялық біліммен қатар, оны практика жүзінде топпен түрлі тапсырмаларды орындадық. Журналистердің назарын бірден аудару үшін сауатты баспасөз хабарламасын құрылымын жазуды үйрендік. Өте қызықты болды. Бұл тренинг Қостанай қаласы мен облыс азаматтық қоғамдық ұйымдар және қызметкерлеріне бағдарламалардың тиімділігін бағалау, талдау жасау және қоғам мүддесін қорғау үшін жаңа дағдылар мен құралдарды меңгеруге мүмкіндік береді деп ойлаймын. Өзіме көп нәрсені түйдім, – дейді мұндай шараға алғаш реті қатысып тұрған болашақ тілші А.Байтұрсынұлы атындағы Қостанай өңірлік университетінің студенті Сандуғаш Бекмұрат.
Семинар-тренинг қатысушылар үшін тек теориялық білім алып қана қоймай, топпен жұмыс және корпоративтік мінез-құлық саласында тәжірибе алмасуға тамаша мүмкіндік туды.
Шұға ҚОҢҚАБАЙ, Суретті түсірген Әбіл ДОСЖАН
Жанкелдин ауданында XXXVIII «Өнеріміз саған, Қазақстан!» облыстық көркемөнерпаздар байқау-фестивалі жоғары деңгейде өтті. (далее…)
В честь знаменательного события в райцентре состоялись народные массовые гулянья. (далее…)
В Рудном состоялась торжественная встреча, посвященная 30-летию телерадиокомпании «Рудный дауысы», сообщает Rýdnyі medіa (далее…)
Салт-дәстүрді серік еткен берекелі отбасы. (далее…)
В регионе проводятся разъяснительные работы о вреде спиртных напитков. (далее…)
Қарғалы ауылындағы бірлік пен татулықтың жарқын үлгісі. (далее…)
This website uses cookies.