Денисов ауылында мемлекеттік қызметшілер арасында облыстық спартакиада өтті.
Онда Жітіқара, Бейімбет Майлин, Қамысты, Денисов аудандары мен Лисаков қаласының мемлекеттік қызметшілері спорттың төрт түрінен жарысқа түсті. Олардың қатарында волейбол, дартс, корнхолл және үстел теннисі сияқты спорт түрлері бар, деп хабарлайды аудандық спорт бөлімінің мамандары.
Мемлекеттік қызметшілер арасындағы мұндай спартакиада дәстүрлі түрде өткізіледі және мемлекеттік қызметшілердің оған қатысуға жыл сайын қызығушылық артып келеді. Ойындар өте тартысты өтті және әр спорт түрі бойынша жеңімпаздарды анықтау ұйымдастырушылар үшін қиын соқты.
Облыстық спартакиада батыс аймаққа жататын аудан-қала үшін арнайы ұйымдастырылып отыр. Себебі Мемлекет басшысы тұрғындардың спортпен шұғылдануы үшін жағдай жасалуына тапсырмалар берді. Бұл – спорт. Спортта барлығы жеңе бермейтіні анық. Бастысы, салауатты өмір салтын насихаттап, мемлекеттік қызметшілердің бірлігін арттыру.
Ұйымдастырушылардың айтуынша спартакиаданың бірден-бір мақсаты – салауатты өмір салтын насихаттау, мемлекеттік қызметшілерді спортпен жүйелі түрде айналысуға тарту, командалық рухты, мақсатқа ұмтылушылықты, ерік-жігерді, табандылықты және жеңіске ұмтылысты тәрбиелеу.
«Бүгінгі таңда мемлекеттік қызметші – бұл өз ісінің кәсіпқой маманы ғана емес, ол ең алдымен өз денсаулығына тиісті назар аударуды қажет ететін адам, өйткені дені сау мемлекеттік қызметші – тиімді мемлекеттік қызметші екені белгілі. Спартакиадаға қатысушылардың қатары да, қызығушылығы жылдан-жылға артып келе жатқаны көңіл қуантады. Жарыс болған соң жеңіс те, жеңіліс те болады. Басты бұл жерде мемлекеттік қызметшілердің арасындағы бірлікті арттыру»,- дейді Қамысты аудандық спорт бөлімінің басшысы Марғұлан Аманов.
Спартакиаданың жабылу салтанатында жеңімпаздарға дипломдар мен кубоктар табысталды. Жалпыкомандалық есепте дарстан Қамысты ауданының құрама командасы бірінші орынды, корнхоллмен волейболдан үшінші орынды иеленді.
Шұға ҚОҢҚАБАЙ
Суретті Қамысты ауданының спорт бөлімі ұсынды
На въезде в районный центр ведется строительство 18 новых двухквартирных жилых домов общей площадью 2…
В Костанае состоялся чемпионат Костанайской области по бирманскому боксу, собравший спортсменов из городов и районов…
Это стало возможным благодаря победе на международном конкурсе в Актау. (далее…)
В Алматы прошел финальный этап республиканской Олимпиады IQanat -одного из крупнейших образовательных проектов Казахстана, направленного…
О Пресногорьковской железнодорожной станции Казахстанских железных дорог, которая находится в северо-восточной части Узункольского района, мало…
Денисов ауданындағы Арыстансор темір жол станциясында таң алакеуімнен жұмыс қыза түседі. (далее…)
This website uses cookies.