Облыс орталығында Мемлекет басшысының атынан ұйымдастырылған дәстүрлі Президент шыршасы өтті.
Салтанатты мерекелік шараға ауданымыздан білімде, спортта және шығармашылықта жоғары жетістікке жеткен озат оқушылар қатысып, ерекше әсермен оралды.
Айтулы шараға облыс әкімі Құмар Ақсақалов қатысып, бүлдіршіндерді құттықтады. Жаңа жылдық кеште балаларға Қазақстан Республикасының Президентінің құттықтау хаты оқылып, арнайы мерекелік сыйлықтар табысталды. Шара барысында театрландырылған қойылымдар, вокалдық, би және цирк өнерін біріктірген жарқын концерттік бағдарлама ұсынылды. Әсем безендірілген сахна, ертегі кейіпкерлері мен көтеріңкі көңіл күй балаларға нағыз мерекелік қуаныш сыйлады.
-«Президент шыршасына қатысу мен үшін үлкен қуаныш әрі зор мәртебе болды. Облыс орталығында өткен мерекелік кеш ерекше әсер сыйлады. Көрсетілген концерттік бағдарлама, ертегі кейіпкерлері мен сыйлықтар есте қаларлықтай болды. Осындай шараға қатысуға мүмкіндік берген ұстаздарыма және қолдау білдірген барша жандарға алғыс айтамын. Бұл мені алдағы уақытта да жақсы оқып, жаңа жетістіктерге жетуге ынталандырды», – дейді ауданымыздың үздік оқушысы Жансая Төлеухан.
Президент шыршасына қатысу — оқушылар үшін үлкен мәртебе әрі жыл бойғы еңбектің лайықты бағасы. Бұл олардың алдағы уақытта да биік белестерді бағындыруына зор серпін беретіні сөзсіз.
Мұндай тағылымды әрі мазмұнды шаралар жас ұрпақты еңбекқорлыққа, білім мен өнерге ұмтылуға тәрбиелеп, ел болашағына деген сенімді нығайта түседі.
Жібек МЫРЗАҒАЛИ
Фотоны ұсынған АББ
В Аулиекольском районе состоялось одно из самых добрых и ожидаемых событий зимы - традиционная ёлка…
Узункольский район находится на приличном отдалении от области, но жители от этого не считают себя…
В Аулиеколе состоялся торжественный концерт, посвященный чествованию лучших спортсменов, тренеров и талантливой молодежи района. (далее…)
Детей поздравил аким Костанайской области Кумар Аксакалов. Об этом сообщает "Наш Костанай". Утром 25 декабря…
Бұл жағдай тұрғындардың жайлылығына ғана емес, ең алдымен олардың қауіпсіздігіне, медициналық көмекке, әлеуметтік қызметтер мен…
За летний период в Федоровке Костанайской области построили 73 новые квартиры для представителей уязвимых слоев…
This website uses cookies.