Кейуанаға иығына ақ жаулық жауып, құрмет көрсетілді.
Науырзым ауданында өтіп жатқан республикалық референдумда тұрғындар белсенділік танытып, ел болашағына бейжай қарамай өз таңдауларын жасауда. Елімізде болып жатқан саяси науқанға жауапкершілікпен қарап, маңызды қадамға дауыс беруге 95 жастағы кейуана Базар Жакунова келді.
№654 референдум учаскесінде тіркелген әжеміз ел тағдыры үшін маңызды саяси науқанға қатысып, өз таңдауын жасады. Ғасырға жуық ғұмырында талай тарихи кезеңдердің куәсі болған кейуана дауыс бергеннен кейін жиналған жұртшылыққа ақ батасын беріп, елдің бірлігі мен тыныштығын тіледі.
«Еліміз аман, жұртымыз тыныш болсын. Жастарымыз елдің болашағын ойлап, әрқашан бірлікте өмір сүрсін», – деп ақ тілегін білдірді кейуана.
Өз кезегінде №654 референдум учаскесінің комиссия төрайымы Гүлнар Ақсаутова кейуананың белсенділігіне алғыс білдіріп, иығына ақ жаулық жауып, құрмет көрсетті.
Қариялардың осындай өнегелі ісі – жас ұрпаққа үлгі. Ел болашағына қатысты маңызды сәтте аға буынның да азаматтық ұстанымын білдіруі көпшілікке ерекше рух береді.
Жібек МЫРЗАҒАЛИ
Фотоны түсірген автор
В селе Камысты на участках референдума прозвучал жарапазан — добрая народная традиция, наполненная теплом и…
В Денисовском районе день голосования проходит в атмосфере весеннего обновления и национальных традиций. (далее…)
Жастар азаматтық белсенділігін көрсетті. (далее…)
Республикалық референдум аясында өтіп жатқан «Референдум – 2026» онлайн марафоны жалғасуда. 09:00-де басталған шараның алғашқы…
Лауреаты национального конкурса «Мерейлі отбасы» Эгамбердиевы сделали свой выбор. (далее…)
This website uses cookies.