Ауданымыздағы білім беру ұйымдарында жас ұрпақтың бойына отансүйгіштік рухты сіңіру, елін, жерін сүюге тәрбиелеу мақсатында әскери-патриоттық үш күндік іс-шаралар бастау алды.
Аталған ауқымды шараға аудан мектептерінен іріктелген оқушылар қатысып, өзара бақ сынауда.
Үш күндік бағдарлама мазмұны өте бай. Оқушылар саптық дайындық бойынша өз шеберліктерін көрсетіп, әскери тәртіп пен ұйымшылдықты меңгеруде. Сонымен қатар алғашқы әскери дайындық элементтері, қауіпсіздік ережелері, алғашқы медициналық көмек көрсету, төтенше жағдай кезіндегі іс-қимылдар және спорттық сайыстар қамтылған. Бұл шара жасөспірімдердің тек физикалық қабілетін ғана емес, сонымен қатар жауапкершілік пен тәртіпке деген көзқарасын қалыптастыруға бағытталған.
Іс-шара барысында оқушылардың белсенділігі, бір-біріне деген қолдауы және командалық рухы ерекше байқалуда. Қатысушылар әр тапсырманы жоғары ынтамен орындап, өз білімдері мен дайындық деңгейлерін дәлелдеуге тырысуда.
-«Мұндай әскери-патриоттық үш күндіктер – оқушылар үшін өте маңызды тәжірибе. Бұл тек жарыс емес, нағыз тәрбие мектебі. Балалардың бойында тәртіп, ұйымшылдық, жауапкершілік және Отанға деген сүйіспеншілік сезімі қалыптасады. Әсіресе командалық жұмыстар кезінде олардың бір-біріне деген сенімі артып, қиын жағдайда дұрыс шешім қабылдауға үйренеді. Осындай шаралар арқылы біз ел болашағын тәрбиелеп жатырмыз», – дейдіОразбек Тишбаев.
«Бұл әскери-патриоттық үш күндік біз үшін өте қызықты әрі пайдалы өтіп жатыр. Біз тек жарысып қана қоймай, тәртіп сақтауды, командамен жұмыс істеуді, бір-бірімізге қолдау көрсетуді үйрендік. Саптық дайындық кезінде әр қимылды дұрыс әрі нақты орындау маңызды екенін түсіндік. Ал алғашқы медициналық көмек көрсету сабақтары өмірде қажет болатын маңызды білім берді.Осындай шаралар бізді шыңдап, жауапкершілігімізді арттырады. Болашақта елін қорғайтын, Отанын сүйетін азамат болуға үлкен әсер береді деп ойлаймын», – дейді қатысушы оқушы.
Шара соңында үздік нәтиже көрсеткен командалар марапатталып, аудан абыройын асқақтатқан қатысушылар арнайы алғыс хаттармен және жүлделі орындармен марапатталмақ.
Жібек МЫРЗАҒАЛИ
Суретті түсірген автор
Для Артема настоящий драйв заключается в запахе бензина, звуке карбюраторного двигателя и аутентичности советской классики.…
Еліміздің Президенті Қасым-Жомарт Кемелұлы Тоқаев халықтың денсаулығын нығайтуда салауатты өмір салтын жүргізіп, спортпен шұғылдануының маңыздылы…
Дело об административном правонарушении в отношении него прекратили, сообщает "ТоболИнфо" (далее…)
В рамках проекта «Связь поколений» Райхан Арыстанова рассказала ученикам о своем профессиональном пути и важности…
Арқалық өңірлік ауруханасында балаларға арналған «Қамқорлық» медициналық оңалту бөлімі ашылды. (далее…)
Қамысты ауданына қарасты Арқа ауылында теміржол саласында 22 жылдан астам еңбек етіп келе жатқан Жанат…
This website uses cookies.