Бүгін ауданы жастарының “Алтын кітабы” жобасы өз жалғасын тауып жатыр.
Аты айтып тұрғандай, “Алтын кітапқа” ауданымыздың дамуына үлес қосқан, ауданның және облыстың даңқын асырып жүрген, республикалық жарыстарда, байқауларда жеңімпаз атанған талантты, дарынды жастар есімі кірді. Жастарға арналған жиынға аудан әкімі Мәди Ихтиляпов қатысты.
Салтанатты шарада мәдениет, спорт және білім салаларында үздік деп танылған аудан жастары марапатқа ие болды.
Аудан жастары кітабына 15 үміткер өтінім берген еді. Комиссияның шешімімен 5 үміткер енгізілді. Биылғы жылы Раздольный жалпы білім беретін мектебінің бастауыш мұғалімі Балнұр Альменова білім және ғылым саласында орасан жетістіктерімен, Сымбат Біркемелова – Шолақсай ЖББ мектебінің оқушысы мен Жамбыл жалпы білім беретін мектебінің оқушысы Жансая Қайыржанова білім мен интеллектуалдық жетістіктері бойынша, мәдениет және өнер саласы номинациясына Балалар шығармашылық үйінің би көркемдік жетекшісі Айдана Сұлтанбекова енсе, спорт саласының үздігі болып Гүлбақыт Шалжанова Алтын кітапқа енді.
Жалпы биылғы жылы Науырзым өңірінің жастары үшін мол табысты, жемісті болды. Дей тұрғанымен айтулы кітапқа үздіктің үздіктері ғана таңдап алынған. Аудан әкімі барлық лауреаттарды құттықтап, «алтын кітап» алдағы уақытта да қалыңдай түседі деп сенім білдірді.
Жібек МЫРЗАҒАЛИ
Фотоны түсірген автор
Продолжая нашу рубрику о жизни в отдаленных уголках района, сегодня мы отправляемся в небольшое село…
Вчерашний вечер в селе Фрунзенское выдался неспокойным. (далее…)
Елімізде денсаулық сақтау саласын дамыту мемлекеттік саясаттың басым бағыттарының бірі болып қала береді. (далее…)
Екі ауылдың арасын жалғаған қара жолдың ой-шұқыры көп еді. (далее…)
Осы күнге дейін қаншама медицина маманымен сұхбаттасыппыз. (далее…)
This website uses cookies.