Балалар шығармашылығы үйінің жылдық есеп беру концерті өтті.
Ауданымызда балалар шығармашылығы үйінің жылдық есеп беру концерті жоғары деңгейде өтті. «Өнер мен шабыт мекені» атты бұл кеш көрермендерге ерекше әсер сыйлап, жас таланттардың бір жыл бойғы еңбегінің жарқын көрінісіне айналды. Сахна төрінде өнердің сан қыры тоғысып, әрбір қойылым шынайы еңбек пен шеберліктің нәтижесін айқын көрсетті. Әсем би, әуезді ән, көркем сөз бен заманауи шығармашылық бағыттар үйлесім тауып, көрермен көңілінен шықты.
Балалар шығармашылығы үйінің жылдық есеп беру концертіне Науырзым ауданы әкімінің орынбасары Амангелді Тілеубергенов қатысып, бір топ шәкірттерді марапаттады.
Концерт барысында жас өнерпаздар өздерінің бір жыл ішінде жеткен жетістіктерін паш етіп, түрлі жанрда өнер көрсетті. Әсіресе, ұлттық нақыштағы билер мен патриоттық әндер көрерменнің ыстық ықыласына бөленді. Әрбір нөмірден балғын таланттың ізденісі мен ұстаздардың қажырлы еңбегі анық байқалды.
Шараға жиналған ата-аналар мен қонақтар балалардың өнеріне ризашылықтарын білдіріп, олардың болашағына сенім артты. Осындай кештер — жас ұрпақтың бойындағы қабілетті шыңдап, олардың сахна мәдениетін қалыптастыруда үлкен маңызға ие екені сөзсіз.
Ұйымдастырушылардың айтуынша, бұл есеп беру концерті тек қорытынды емес, жаңа белестерге бастайтын маңызды қадам. Алдағы уақытта да Балалар шығармашылығы үйі дарынды балаларды қолдап, олардың шығармашылық әлеуетін дамыту бағытында жұмыстарын жалғастыра бермек.
-Бұл күн — жеңімпаздардың жұлдызы жанған күн болды. Халықаралық «Алтын микрофон-2026» байқауының жүлдегері Кенжебай Айслу, республикалық деңгейде биіктен көрінген Балтабай Айсана, Жеңіс Жазира сынды күміс көмей әншілер мен қолөнер шебері Ауезхановна Арузат, домбырашы Мұрат Елдар бастаған бір топ дарынды шәкірттер марапат төрінен көрінді. Бұл марапаттар — кішкентай жүректердегі үлкен мақсаттардың айғағы, біз шәкірттерімізбен мақтанамыз, – дейді балалар шығармашылығы үйінің бұқаралық бөлімінің меңгерушісі Бота Қамит.
Кеш барысында өнерлі өрендер ән айтып, би билеп, түрлі шығармашылық бағыттағы жетістіктерін паш етті. Әрбір қойылым көрерменнің ыстық ықыласына бөленіп, залда ерекше рухани атмосфера қалыптастырды. Бұл – тек есеп беру кеші ғана емес, бала көңілдің пәктігі мен өнердің құдіреті тоғысқан тағылымды шара болды.
Жібек МЫРЗАҒАЛИ
Фотоларды түсірген автор
Қарасу ауданының пара спортшылары мүгедектігі бар азаматтар арасындағы VI облыстық спорт фестивалінде сәтті өнер көрсетті.…
Иногда для того, чтобы место стало по-настоящему уютным, не нужны большие перемены. (далее…)
Масштабная информационно-разъяснительная работа направленная на профилактику алкоголизма, табакокурения и формирование здорового образа жизни продолажется. (далее…)
До начала отопительного сезона остается совсем немного времени. (далее…)
Александра Ельшова в селе Пресногорьковка называют по разному: кто по имени отчеству - Александр Александрович, …
Эта трасса давно была наболевшим вопросом для жителей Наурзумского района. (далее…)
This website uses cookies.