Арқалық қаласы су басу қаупі бар өңірлерге жатады, сондықтан Қорғаныс министрлігінің арнайы жасағы өңірде белсенді жұмыстар жүргізуде.
Қостанай қаласындағы №99260 әскери бөлімінен келген 50 әскери қызметші апатты жағдайдың алдын алу үшін жергілікті атқарушы органдармен бірге жұмыстар атқаруда.
Әскери қызметшілерге арнайы жатақхана орналастырылып, үш мезгіл тамақпен қамтамасыз етілген. Олар таңертеңгі сағат 8:00-ден кешкі 20:00-ге дейін су басу қаупі бар кенттерде қар тазалау жұмыстарын жүргізуде.
«Әскери қызметшілердің қатаң тәртіппен жұмыс істеуі және жергілікті халықтың қонақжайлылығы бізді қуантты», – дейді әскери жасақтың тәрбие және идеологиялық жұмыстар жөніндегі офицері, подполковник Мадияр Өтегенов.
Северный кентінің тұрғыны Айтқазы Көбелдес бұл көмектің маңыздылығын атап өтіп, әскерилердің қар басқан үйлердің аулаларын тазалап, көшелерді және үйдің іргелерін қардан аршып жатқанын айтты. «Қостанайдан келген әскерилердің көмегі болмаса, жағдайымыз қиын болар еді. Олардың ерен еңбегіне үлкен алғысымызды білдіреміз», – деді зейнеткер.
Әскери қызметшілердің жұмысын тұрғындар жоғары бағалап, олардың қар тазалау жұмыстарын сапалы әрі уақытылы орындағанын ерекше атап өтуде.
Шұға ҚОҢҚАБАЙ
Суреттерді түсірген – Мұрат ЖҮНІСҰЛЫ
Турнир, посвященный воину-интернационалисту войны в Афганистане Кожабеку Колданову, прошел 7 мая в Айтекебийском районе. В…
Соғыс жылдарының ауыртпалығын көтеріп, бейбіт күннің берекесін еңбегімен еселеген жандар – кейінгі ұрпақ үшін өшпес…
48 пәтерлік екі тұрғын үйді пайдалануға беріледі. (далее…)
В районном Доме культуры состоялось торжественное мероприятие, посвященное Дню защитника Отечества Республики Казахстан. (далее…)
Ребята с благодарностью отметили, что чтят память своих предков. Об этом пишет "Наш Костанай" (далее…)
This website uses cookies.