Қазақ күресінің әдіс-тәсілдері көрсетілді.
Қостанай облысы әкімдігінің дене шынықтыру және спорт басқармасына қарасты «Ұлттық және олимпиадалық емес спорт түрлері клубының басшысы Мылтықбай Әбдуаитов қасиетті Торғай өңіріне арнайы жұмыс сапарымен барды. Сапар барысында ұлттық спортты дамыту, жергілікті спорт мамандарымен тәжірибе алмасу және құқық қорғау органдары қызметкерлері арасында салауатты өмір салтын насихаттау бағытында бірқатар іс-шара өткізді.
Іссапардың сәтті жүзеге асуына Жангелдин аудандық полиция бөлімінің бастығы Айбат Әбдір қолдау көрсетті. Кездесу барысында ұлттық спорттың елдік рухты қалыптастырудағы маңызы сөз болып, алдағы бірлескен жобалар талқыланды.
Сапар аясында аудан әкімінің орынбасары Рауль Халыққа былтыр өткен Ұлы Дала жорығы мен көкпар спортына көрсеткен қолдауы үшін алғыс білдіріліп, арнайы төсбелгі табыс етілді.
Сонымен қатар аудандық полиция бөлімінде қазақ күресінен бір күндік оқу-жаттығу сабағы ұйымдастырылды. Шара барысында қызметкерлерге ұлттық күрестің әдіс-тәсілдері көрсетіліп, спорттың тәртіп пен табандылықты қалыптастырудағы рөлі түсіндірілді.
Жангелдин ауданы балалар-жасөспірімдер спорт мектебінің басшысы Қызылбай Әділбековке Міржақып Дулатұлының 140 жылдығына арналған қазақ күресі турнирін жоғары деңгейде ұйымдастырғаны үшін «Тобыл-Торғай тарландары» федерациясының төсбелгісі табыс етілді.
Сондай-ақ тәжірибелі бапкер Әділбек Молдағасимов ұлттық спортты дамытуға қосқан үлесі үшін марапатталып, иығына шапан жабылды.
Іс-шара соңында полиция қызметкерлеріне қазақ күресі және самбо күресіне арналған кимоно үлестіріліп, алдағы жарыстарға сәттілік тіледі.
Ұлттық спортты өңірлерде кеңінен насихаттау жұмыстары алдағы уақытта да жалғасатын болады.
Шұғыла ЖАҚСЫЛЫҚ
Суреттерді түсірген – Тұрсын Сейткерей
Спорт, хорошее настроение и полезные привычки объединили школьников (далее…)
Хорошие новости для автомобилистов: процесс обновления дорожной инфраструктуры в районном центре уже перешел из стадии…
Асфальта на этой улице не было никогда, но ситуацию усугубили работы по прокладке водопровода, проведенные…
Жангелдин ауданында жастарды жұмыспен қамту және кәсіп бастауына қолдау көрсету жұмыстары жүргізіліп жатыр. Биыл ауданда…
Жайылма жерінде ауыл экономикасын дамытуға бағытталған «Ауыл аманаты» бағдарламасы жүйелі түрде жүзеге асырылуда. Бағдарлама ауыл…
Встречу с директорами учебных заведений провели представители аппарата акима, полиции и отдела образования (далее…)
This website uses cookies.