Жақында аудан орталығында қоғам және мемлекет қайраткері Жақан Қоса-баевтың 85 жылдық мерейтойына және студент жастардың қысқы демалысын тиім-ді ұйымдастыру мақсатында волейболдан ерлер мен қыздар арасында аудан бірінші-лігі жоғары деңгейде өтті.
Екі күнге созылған жарыс 22-23 қаңтар күндері ұйымдас-тырылып, спорт сүйер қауымға тартысты ойындар мен жарқын сәттер сыйлады.
Аудан біріншілігінің басты мақсаты – жастарды салауатты өмір салтына баулу, спортқа деген қызығушылығын арттыру, сондай-ақ жас ұрпақтың бос уақытын мазмұнды әрі тиімді өткізуге жағдай жасау болды. Сонымен қатар бұл жарыс арқылы өңірде волей-бол спортын дамытуға және талантты спортшыларды анықтауға басымдық берілді.
Биылғы турнирге барлығы 15 ерлер командасы мен 5 қыздар командасы қатысып, ауданның әр түкпірінен жиналған спортшылар өзара мықтыны анықтады. Ойындар жоға-ры қарқынмен өтіп, командалар арасында шынайы бәсекелестік қалыптасты. Әрбір кезде-су жанкүйерлер үшін тартысқа толы болды.
Қыздар командалары арасындағы жарыс ерекше әсерге толы өтті. Нәтижесінде І орынды – Арқалық командасы, ІІ орынды – Ақшығанақ командасы, ІІІ орынды – Ы. Алтынсарин атындағы жалпы білім беретін мектебінің командасы жеңіп алды.
Қыздар арасындағы ойындарда спортшылардың техникалық дайындығы мен ұйымшылдығы, жеңіске деген жігері анық байқалды
Ал ерлер командалары арасында өткен бәсекеде І орын – Ы. Алтынсарин атындағы жалпы білім беретін мектебінің командасына, ІІ орын – Милісай ауылының командасына, ІІІ орын – Жаркөл ауылдық округінің командасына бұйырды.
Ерлер арасындағы матчтар аса жоғары қарқынмен өтіп, алаңдағы әрбір ұпай үшін қызу күрес жүрді. Жанкүйерлер командаларын барынша қолдап, спорт мерекесінің шыра-йын кіргізді.
Жарыс барысында спортшылар тек физикалық дайындықтарын ғана емес, өзара сыйластық пен әділ ойын қағидаттарын да көрсете білді. Бұл – турнирдің тәрбиелік мәнін арттырған маңызды факторлардың бірі.
Шара соңында жеңімпаз және жүлдегер командалар дипломдармен, кубоктармен және арнайы марапаттармен марапатталды.
Ұйымдастырушылардың айтуынша, Жақан Қосабаевтың мерейтойына арналған бұл жарыс – оның спорт пен жастар тәрбиесіне сіңірген еңбегіне көрсетілген құрметтің белгісі. Аудандық біріншілік жастардың спортқа деген ынтасын арттырып қана қоймай, олардың бір-бірімен тәжірибе алмасуына, достық қарым-қатынасты нығайтуға мүмкіндік берді. Осындай бұқаралық спорттық шаралар өңірде тұрақты түрде ұйымдастырылып отырса, болашақта аудан спортының дамуына зор серпін беретіні анық.
Шұғыла ЖАҚСЫЛЫҚ
Суреттерді аудандық спорт бөлімі ұсынды
Спустя почти 30 лет в село Алтынсарино вернулся хоккей. Это стало возможным после строительства нового…
Жуырда ғана қаралған істердің бірінде азамат жұбайына қатысты жүйелі түрде балағаттап, қол жұмсағаны үшін әкімшілік…
В первом квартиале этого года на территории нашего района произойдут значительные изменения в системе контроля…
Первое возгорание произошло в селе Челгаши, где огнём уничтожена половина жилого строения. (далее…)
Қарасу ауданының орталығында «Шапағат» клубы өз жұмысын бастады. (далее…)
Жанкелдин ауданының әкімі Дінмұхамед Бидашевтің төрағалығымен Торғай ауылында халыққа есеп беру жиыны өтті. (далее…)
This website uses cookies.