Тәуелсіздіктің 30 жылдығына орай өткізілген спорттық шараға мықты командалар қатысты
Жарыстың ашылу от салтанатында аудан әкімі құттықтау сөз сөйлеп, жарысқа қатысушыларға сәттілік тіледі.
– Ел Тәуелсіздігің 30 жылдығына орай ауданымызда көптеген мәдени шаралар өтуде. Соның бірі өздеріңіз куә болып отырған волейболдан аймақтық жарыс. Күні кеше облыс әкімі Архимед Мұхамбетов ауданымызға жұмыс барысымен келіп, салтанатты түрде лентасын қиған “Дене шынықтыру – сауықтыру спорт кешені” пайдалануға беріліп, алғаш рет аймақтық жарыс өтіп жатыр. Ел игілігі үшін салынған спорт кешені жастарымыздың спортпен шұғылдануына тиімді. Салауатты өмір салтын қалыптастыру жас ұрпақтың бүгінгі еншісі. Сондықтан байрақты бәсекеде бақтарыңыз жанып, жүлделі болуларыңызға тілекшімін, – деді аудан басшысы.
Сонымен қатар, Торғай жерінің тумасы, Б.Майлин ауданының тұрғыны, спорт ардагері Едіге Искаков жас спортшыларға тілегін арнады.Аймақтық жарысқа Нұр-Сұлтан, Арқалық, Қостанай қаласынан және Жангелді мен Амангелді аудандарынан келген 8 команда аудан әкімнің кубогын сарапқа салады.
Спорт сүйер қауымның делебесін қыздырып, екі күн бойы волейболдан тартысты әрі қызықты ойын көрсеткен командалар сайысы мәреге жетті. Аудан әкімнің кубогын Қостанай қаласынан келген “Уссо” командасы жеңіп алды. 2 орынды Жангелдин ауданының командасы иеленді. 3 орынды Арқалық мемлекеттік педогогикалық институтының құрама командасы місе тұтты. 4 орынға Нұр-Сұлтан қаласының командасы табан тіреді. 5 орын Арқалық командасының еншісіне бұйырды. 6 орынды “Жігер” командасы иемденді. 7 орынды Торғай командасы қанағат тұтты. 8 орын Амангелді ауданының командасына бұйырды. Сондай-ақ, әр команда мүшелері “Үздік ойыншы”, “Үздік шабуылшы”, “Үздік үйлестіруші”, “Үздік тосқауыл қоюшы”, “Жеңіске деген жігері үшін” номинацияларымен марапатталды. Жүлдегерлерге аудан әкімі Шота Оспанов, аудандық мәслихаттың хатшысы Серік Нұрғазин, спорт ардагері Едіге Искаков 100 000, 60 000, 40 000 теңгенің сертификаттарын тапсырды. Басқа спорт ардагерлері арнайы номинацияларды табыс етті.
Байбатыр АХМЕТБЕКОВ
Во время встречи каждому обратившемуся подробно объяснили, с чего начать и куда обращаться в случае…
Бала күні кеше ғана үлкен өмірге қадам басып, ақ халат киюді армандаған жас жеткіншектер бүгінде…
Мемлекет басшысы Қасым-Жомарт Кемелұлы Тоқаев құқық қорғау органдарының басшыларымен өткен кеңесте «Заң және Тәртіп» қағидатын…
Алтынсарин ауылының тұрғыны Дәурен Ержанов «Ауыл аманаты» бағдарламасының мүмкіндігін пайдаланып, жылқы шаруашылығын қолға алды. (далее…)
Волонтеры ОФ «Жанашыр бол» совместно с полицейскими Костанайского района 22 сентября встретились с населением Московсковского…
Участники разбирали реальные ситуации, учились отличать травлю от обычного конфликта и говорили о признаках, по…
This website uses cookies.