Жангелдин ауданының «Алтын кітабына» жалынды жастардың есімдері енді

Аудандық мәдениет үйінде өткен жиында аудан әкімі Шота Оспанов аудан халқын Тұңғыш Президент күні мерекесімен құттықтады

Сонымен қатар білім, спорт, мәдениет саласында жоғары жетістіктерге жеткен жастарға Жангелдин ауданы жастарының «Алтын кітабына» есімдері енгізілгені жөніндегі сертификаттарды табыс етті. Олар Сағындық Әшім облыстық, республикалық, халықаралық чемпионаттарының қазақ күресінен жүлдегері. Румыния елінде өткен ересектер арасындағы қазақ күресінен әлем кубогының чемпионы. Оралхан Кәкімжанұлы спартандық шайқас кәсіпқой турнирінің жеңімпазы. У-шу сандадан республикалық турнирлердің жүлдегері. Азия чемпионатының 3 орын иегері. Олжас Сейтқалиұлы «Абай мұрасы» атты халықаралық байқаудың «Көркемсөз» жанры бойынша «Бас жүлде» егесі. «Елбасы медалі» жобасының «Қола медаль» иемденген талантты оқушы. Бекзат Дастанұлы «JAS ORKEN» республикалық байқауының «Гран-при» иеленген дарынды оқушы. «Елбасы медалі» жобаының «Күміс медаліне» үміткер. Бекзат Болатқызы биология пәнінен «Халықаралық Зияткерлік олимпиада-2020» байқауының екінші дәрежелі дипломын иегері. Республикалық, халықаралық пәндік және «Үздік жас маман» байқауларының жеңімпазы. Жасұлан Қами жас ұстаз, республикалық пәндік байқаулардың жеңімпазы. Бірнеше рет облыстық білім басқармасының «Құрмет грамотасымен» марапатталған.

Байбатыр АХМЕТБЕКОВ