Бүгін Қазақстан Республикасы төтенше жағдайлар қызметінің құрылғанына 26 жыл
Осыған орай аудандық мәдениет үйінде салтанатты жиын өтті. Жиында мемлекеттік Әнұран шырқалды. Жангелдин ауданының төтенше жағдайлар бөлімінің бастығы, азаматтық қорғау полковнигі Қанат Достаев аталған сала қызметкерлерінің міндеттері мен атқарған қызметтеріне тоқталып, баяндама жасады.
Аудан әкімі Шота Оспанов айтулы мерекелерімен құттықтап, олардың өз ісітеріне адал және жауапкершілікпен қарай білетін бейбіт заманның батырлары екендігін тілге тиек етті. Бірқатар қызметкерлерді Алғыс хаттармен марапаттады. Аудандық төтенше жағдайлар бөлімінің бастығы осы саланың ардагерлері мен жас мамандарына грамоталар табыстады.
Саналы ғұмырларын құтқару қызметіне арнаған ардагерлер Бауыржан Жамалиев, Асқар Қойгелдин өздерінің ақ тілектерін білдіріп, кейінгі жас буын өкілдерінің қызметтеріне абырой тілеп, естелік сыйлықтар тапсырды. Төтенше жағдайлар бөлімінде қызмет жасап жүрген әкелерін қадір тұтқан бүлдіршіндер жыр шумақтарын арнады. Мерекелік жиын соңы концерттік бағдарламаға жалғасты.
– Біздің ең басты міндетіміз төтенше жағдайлардың алдын алып, дер кезінде тойтарыс беру. Қазіргі таңда материалдық базамыз талапқа сай. Өрт сөндіру көліктеріде жеткілікті. Тек ескіргені болмаса. Әсіресе, жаз айларында дала өрттері көп болады. Сондықтан біз үнемі сергектік танытып, қай уақытта болса да сақадай – сай дайын отырамыз. Зіл зала апаттардан қорғай азаматтық борышымыз, – дейді төтенше жағдайлар бөлімінің қызметкерлері.
Байбатыр АХМЕТБЕКОВ
Қамысты ауданында денсаулық сақтау саласында кадр тапшылығы мәселесі өзекті болып отыр. (далее…)
А еще это про возможность для сельских детей увидеть, что их усилия имеют значение. (далее…)
Қостанай облысында республикалық маңызы бар А-16 «Жезқазған – Арқалық – Петропавлов» автожолының 252–339 шақырымдар аралығындағы…
В райцентре, как и по всему району, ведется планомерная работа по сносу аварийных зданий, средства…
Бірлігі бекем, ынтымағы берік ауыл (далее…)
Шығармашылық өнер дана халқымызға ата-бабамыздан мұраға болып келе жатқан қасиет. (далее…)
This website uses cookies.