Ұлттық құндылық қастерленген күн.
Жангелдин ауданының тұрғындары әз — Наурыз мейрамын орталық алаңда қарсы алып, ән мен жыр, думанды күнге айналдырды.
Шеруде сап түзеген мекеме, кәсіпорын басшыларының жеткен жетістері айтылып, ел алдында мерейлі өсіп қалды. Аудан әкім Шота Оспанов жергілікті тұрғындарды “Ұлыстың ұлы күні” әз — Наурыз мейрамымен құттықтады.
“Күн мен түн теңелген уақытта жер ана бусансып, жер бетіндегі тіршілік атаулыға жан бітеді. Бұл күні адамзат баласы, бір — біріне мейірімділік танытады. Жалпы, былтырғы жылы ауданымызда бірқатар ауқымды жұмыстар атқарылды. Әрине, оның барлығы ел игілігі үшін. Алдағы жаз айында да толайым істердің куәсі боласыздар. Сондықтан баршаңызға амандық тілеймін. Әр шаңырақта тек қуаныш болсын. Ұлыс оң болсын, ақ мол болсын ағайын. Бірлігіміз бен ынтымағымыз тарқамасын”, — деді аудан басшысы.
Мерекелік құттықтаудан кейін әуезді ән айтылды. Мың бұралған бишілер дала сахнасын сәнге бөледі. Домбырашылар күмбірлетіп күй тартты. Орталық алаңдағы аудан жұртшылығы наурызкөже мен шелпек нан таратылды. Алтыбақан маңында бозбала мен бойжеткендер сауық құрды. Спорттық ойындарда бақ сынаған білектілерге жанкүйер қолдау көрсетіп жатты. Қыдыр ата Торғай халқына ақ батасын берді. Киіз үйлерде қонақасы берілді. Осылайша торғайлықтар қазақтың жаңа жылы әз — Наурыз мейрамын дәстүрлі думанға айналдырды.
Байбатыр АХМЕТБЕКОВ
ГКП «Аркалыкская теплоэнергетическая компания» обратилась с заявкой на повышение в департамент по регулированию естественных монополий…
Чтобы расставить все точки над i, в селе провели большой сход. (далее…)
Тас құдықтаға таза ауызсудан келер қауіп жоқ (далее…)
Об этом только что сообщили в ДП Костанайской области. (далее…)
Напомним, введён он 5 апреля из-за гидроопасности от талых вод и разлива местных водоёмов. (далее…)
В регионе намечается реализация ряда проектов в автодорожной отрасли (далее…)
This website uses cookies.