Күрделі жөндеу көрмеген мұражай
Осыдан 32 жыл бұрын салынған Шақшақ Жәнібек тарихи мұражайына биыл ағымдағы жөндеу жұмыстары жүргізіледі. Осы уақытқа дейін күрделі жөндеу жұмыстары мүлдем жасалмаған. Жергілікті билік өкілдері қаншама рет ұсыныс айтып, облыстық басқармаларға хат жолдағанмен әлі күнге шешімін таппай келеді. Мүмкін олар Тархан Жәнібектің кім екенін білмейтін шығар. Болмаса міндетті түрде батыр бабамыздың мерейтойы болуы керек пе? Сөздің шындығы керек, Ахмет атамыздың 150 жылдық мерейтойы болмағанда аудан орталығындағы мұражайы күрделі жөндеуден өтпес еді.
Енді биыл қоғам қайраткері Міржақып Дулатұлының 140 жылдық мерейтойы. Бидайық ауылындағы кесенесіне қайта жөндеу жұмыстары жасалады деп күтілуде. Жәнібек бабамыздың мұражайына күрделі жөндеу жұмыстарын жасаса, еш артықшылығы болмас еді. «Айта айта Алтайды, Жамал апай қартайды» дегеннің кебін кигелі қашан. Әлде облыстық басқармалардың құлақтары естімеуге айналған ба? Аталған мұражайдың сыртын қаптап және төбесін қайта жасау үшін облыстық бюджеттен 45 млн теңге қаржы бөлінген. Жетім қыздың тойындай қылып, жөндеу жұмыстарын жасағандарына жол болсын. Бұл мәселені республикалық деңгейде көтеріп, Торғай халқының атынан күрделі жөндеу жұмыстарын жасау жөнінде хат жолдау керек. 18 жылдан кейін Жәнібек бабамыздың 350 жылдығы. Оған дейін бұл мұражайдың не боларына кім кепіл?
«Шақшақ Жәнібек — қазақ халқының батыр биі, Әбілқайыр хан тұсында ел бірлігін сақтап, әділет жолында аты шыққан тарихи тұлға. Оның есімі Торғай даласының тарихында алтын әріппен жазылған. Мұражайда Жәнібек бидің өмірі мен ерлігіне, сондай-ақ XVIII ғасырдағы қазақ қоғамының тыныс-тіршілігіне қатысты құнды жәдігерлер сақталған. Бұл мекеме ұрпаққа ұлттық рухты жеткізуші рухани орда болып саналады. Биыл облыстық бюджеттен 45 миллион теңге көлемінде қаражат бөлініп, ағымдағы жөндеу жұмыстары жоспарланды. Наурыз айында мемлекеттік сатып алу порталы арқылы конкурс жарияланып, оның нәтижесінде “Строй-Монтаж KZ-01” ЖШС жеңімпаз болып танылды. Жөндеу жұмыстарына қатысты келісімшарт 2025 жылдың 11 сәуірінде жасалып, оның жалпы сомасы 35 145 900 теңгені құрады. Жөндеу жұмыстары мұражайдың техникалық қауіпсіздігін күшейтіп, келушілер үшін қолайлы жағдай жасауға бағытталған. Аудан халқы бұл жаңалықты жылы қабылдап, тарихты құрметтеудің нақты көрінісі ретінде бағалап отыр», – дейді Торғай мұражайларының директоры Гүлбану Сәрсекей.
Құрылыс жұмыстарының сапасына мән беріп, үнемі қадағалап отыру керек.
Байбатыр АХМЕТБЕК
Акимат области утвердил территории, на которых разрешат самостоятельно добывать драгоценные металлы. (далее…)
В районном доме культуры состоялся Форум, где подвели итоги конкурса короткометражных роликов по профилактике…
Волонтеры ОФ «Жанашыр бол» совместно с полицейскими Костанайского района 21 сентября встретились с учащимися школы-гимназии.…
В школе-гимназии для учащихся 8-11 классов прошел психологический семинар «Границы безопасности: семья, зависимость и сила…
Қамысты ауданында бұқаралық спортты дамытуға және тұрғындарды салауатты өмір салтына тартуға басымдық беріліп келеді. (далее…)
В Наурзумском районе проблема безнадзорного и бродячего скота особенно актуальна в период сезонного выпаса. …
This website uses cookies.