Тазалықты табалдырықтан бастау керектігін ұмытпайық
«Айта, айта Алтайды, Жамал апай қартайды». Жергілікті билік өкілдері осы сөздің кейпіне енгелі қашан. Ауданның батыс жағында «Стройучасток» кенті бар. Ол бір шағын ауыл іспетті. Сол маңайда үлкен терең сай бар. Оны кейбір адамдар «Партизан» сайы деп атайды. Аудан орталығына қатынау үшін шағын кент тұрғындары үлкен сайдың ортасындағы шағын өткелден өтеді. Сай жағалауында 10 үй бар. Ондағы тұрғындар тиісті белгіленген орынға қысы – жазы күл – қоқыс, қатты қалдық заттарын шығармайды. Себебі, үлкен сайды боқаттың ордасына айналдырып алған. Қорасының артынан шығып, жыраның ернеуінен аударып кете береді. Көктем кезінде қыс бойы төгілген күл – қоқыс пен қалдық заттар қарғын сумен жылжып ағып, төменгі көшені ластайды. Сайып келгенде, мекеме қызметкерлері сенбілікке шыққан сайын тазалап отырады. Билік өкілдері сол маңайдағы тұрғындарға сан мәрте ескерту жасады. Бірақ, оны құлаққа құйып жатқан тұрғындарды көрмедік. Кеше ғана сол сайды барып көзбен көрдім. Дәл осы суреттегі көрінісі. Өрістен үйге қарай шашырап келе жатқан қой ешкідей қағаз, пакет, памперс, өлген малдың қаңқасы. Дәл осындай лас ортада отырған тұрғындарға таңым бар. Инфекцияның барлығы дәл осы қоқыстардан болатынын біле тұра, қалай жол береді екен.
«Біз талай рет барып, тұрғындарға ескертулер жасадық. Бұл күл – қоқыс төгетін орын емес. Өздеріңіз үшін тазалық ұстаңыздар деп әлі күнге айтумен келеміз. Одан қорытынды шығарып жатқан адам көрмедік. Енді амалсыздан заң аясында айыппұл төлетеміз. Жергілікті полиция өкілдерімен бірлесіп, осы іске кірісуіміз ғана қалды. Ағалап, көкелеп айтсақта еш түсінбейді. Олар күл – қоқыстарын төгеді. Ал, жұмыссыздықтан, мекеме, кәсіпорын қызметкерлері солардың шашқандарын жинайды. Бұл әділдік емес. Олардың боқаттарын жинауға міндетті емесіпіз», – дейді Торғай ауылының әкімі Кемеңгер Қарағұл.
Экологияны ластап отырған тұрғындардың туған жерге деген жанашырлығы жоқ. Олардың тоқтатудың жалғыз ғана жолы құзырлы органдардың көмегі арқылы, яғни прокуратура, сот, полиция өкілдеріне жүгініп, шара қолдану қажет.
Байбатыр АХМЕТБЕКОВ
Қамысты командасы сәтті өнер көрсетті (далее…)
Пенсионерка Нина Чопова просто решила однажды - пора воплощать идеи в реальность. (далее…)
В ТОО «Кайсар-Агро» знают: если что-то сломалось, если требуется совет, помощь или просто надежное плечо…
Ел мерейін көтерді (далее…)
Село Троебратское Узункольского района, что на границе с Северо-Казахстанской областью, считается окраиной. (далее…)
Встреча посвящена онлайн-обучению на платформе Skills Enbek. (далее…)
This website uses cookies.