Торғай – тұлғалар мекені
Осындай атаумен аудандық мәдениет үйінде поэзия фестивалі өтті Торғай жері қашанда тұлғаларымен ерекшеленетін өңір. Тарихи тұлғалар мекені.Батыр мен ақынды, дана мен данышпанды, би мен шешенді, жазушылар мен көсемдерді туған өлке. Торғай халқы бір ғана Ахмет пен Міржақыппен мақтанса да жеткілікті. Торғай ақындар мектебі. Ұрпақ сабақтастығы күні бүгінге дейін жалғасып келеді. Осы тұрғыда мәдениет бөлімінің және мәдениет үйінің ұйымдастыруымен «Торғай – тұлғалар мекені» атты поэзия фестивалі өтті.
Бірінші күні мәртебелі меймандарды қазақтың салт-дәстүрі бойынша кіре беріс қақпадан қарсы алып, балдай қымыз бен ыстық бауырсақ ұсынды. Мәдениет үйінің өнерпаздары ән-шашумен қарсы алды. Екінші күн мәдениет үйіндегі поэзия фестивалімен жалғасты. Кеш қонақтары жазушы Қойшығара Салғараұлы, ақын Серікбай Оспанов, жазушы Амангелді Кеңшілікұлы, ақын Мұхарбек Жәкейұлы, ақын Абылай Мауданов, ақын, сазгер Марғұлан Оспанов сахна төрінен орын алды. Кеш тізгінін қолына алған ақын, аудармашы Абылай Фазылханұлы әсерлі кештің шырайын келтірді. Таңжарық Ниязбектің ақынжазушыларға арнаған жыр жолдарын мектеп оқушылары оқып, қонақтарға ықылас гүлін тарту етті.
Аудан әкімі Дінмұханбет Бидашев меймандарға жылы лебізін арнады. Сонымен қатар, Қойшығара Салғараұлына Жанкелдин ауданының «Құрметті азаматы» атағын салтанатты түрде табыстады. Басқа да кеш қонақтарына алғыс хат тапсырып, иықтарына шапан жапты. Сондай-ақ, 80 жасқа толған Серікбай Оспанұлына ат мінгізді. Таңжарық Ниязбек айтыстың ақтаңгері Айбек Қалиевке арнауын арнады. Кештің қадірлі қонақтары өздері жайлы қысқаша баяндап, жүрекжарды жырларын оқыды. Ақын Мұхарбек Жәкейұлымен еріп келген қонақтар да жырдан шашу шашты. Олар да сый-сияпаттың егесі атанды. «Ақбата» шатханасында түскі қонақасы берілді. Одан кейін «Мерген» саябағында поэзия фестивалі қайта жалғасын тапты. Ақын Ғафу Қайырбековтың ескерткішінің қасында ағынды теңіздей жырлар оқылды. Артынша аудандық мәдениет үйінде тетар әртістерінің дайындаған «Оян, Қазақ» қойылымын тамашалады. Шилі ауылдық округінің әкімшілігі арнайы киіз үйде меймандарға қонақасын берді. Үлкен кісілердің ықыласына бөленіп, ақ батасын алды. Орталық алаңдағы дала сахнасында мерекелік концерт жалғасты. Осылайша қасиетті Торғай жерінде әдебиет пен мәдениет табысқан күн болды. Болашақ тарих беттеріне алтын әріппен жазылды.
Байбатыр АХМЕТБЕК
Арқалық қаласында мемлекеттік қызмет көрсету сапасын арттыруға бағытталған «Үздік қызмет көрсетуші» конкурсы өз мәресіне жетті.…
- Сотрудники полиции несут службу в штатном режиме, но, несмотря на это, жители региона все…
Денисов ауданы бойынша пробация қызметінің есебінде тұрған азаматтарға кешенді қолдау көрсету жұмыстары үздіксіз жүргізілуде. (далее…)
Многодетные мамы получили награды за самоотверженность и любовь к детям, заслужив особое признание. (далее…)
В зимний период снегопады значительно осложняют передвижение пожилых людей и создают опасность при выходе из…
26 января ранним утром легковой автомобиль Toyota Celica застрял в снегу на 29-м километре дороги…
This website uses cookies.