Қоғам қайраткері М.Дулатұлының 140 жылдығы
Күні кеше аудандық мәдениет үйі жанындағы «Халық театры» әртістері қоғам қайраткері Міржақып Дулатұлының 140 жылдығына орай Е.Төлебайдың «Оян, Қазақ» спектаклін сахналады.
Көрермендердің жүрегінен жол тапқан қойылым рухты елдің еңсесін көтеріп, рухани демалыс сыйлады. Ахаң мен Жахаңның рөлін Марғұлан Қасымбек пен Батырлан Қазым сомдады.
«Бұл қойылым – қазақ тарихындағы күрделі кезеңдерді, ұлт азаттығы үшін күрескен Алаш арыстарының тағдырын көрерменге терең сезіндіру үшін сахналанған ерекше туынды. Қоюшы режиссер, ҚР еңбек сіңірген әртісі, «Құрмет орденінің» иегері Татьяна Рахышқызы.
Сахнаға қайта өңдеп шығарған, мәдениет үйінің режиссері Фариза Бүркітбай.Көркемдік және тарихи шындықты тоғыстыра білген қойылымда әрбір актер өз рөлін шынайы әрі жүрекке жеткізіп орындап, көрермендердің ерекше ықыласына бөленді. Алдағы жылы міржақып атамыздың 140 жылдығына арналған мәдени көпшілік іс – шаралардың бастауы. Мерейтойға арналған жұмыс жоспарымыз ауқымды. Халқтың көңілінен шығып, жақсы көңіл – күй сыйлаған театр әртістеріне айтар алғысым шексіз», – дейді мәдениет үйінің директоры Жанат Әлімбаева.
Бұл спектакльдің маңыздылығы орасан зор. Себебі бұл драма Міржақып Дулатұлының елін сүйген ер жүрегін, ұлт мүддесін қорғаудағы қайсарлығын, сондай-ақ оның отбасы мен замандастарының қиын тағдырын жан-жақты бейнелейді. Алаш қозғалысының идеясын сахнаға әкеліп, бүгінгі ұрпаққа ой салып, ұлттық рухты оятуға бағытталғандығын театр әртістері тілге тиек етті.
Байбатыр АХМЕТБЕКОВ, Суретті түсірген: Мейрамбек Бейсенбек
Продолжая нашу рубрику о жизни в отдаленных уголках района, сегодня мы отправляемся в небольшое село…
Вчерашний вечер в селе Фрунзенское выдался неспокойным. (далее…)
Елімізде денсаулық сақтау саласын дамыту мемлекеттік саясаттың басым бағыттарының бірі болып қала береді. (далее…)
Екі ауылдың арасын жалғаған қара жолдың ой-шұқыры көп еді. (далее…)
Осы күнге дейін қаншама медицина маманымен сұхбаттасыппыз. (далее…)
This website uses cookies.