Спортпен шұғылдануға мол мүмкіндік
Аудандық балалар жасөспірімдер спорт мектебіне құны 15 571 000 тұратын спорттық құрал жабдықтар келді. Спорттық жабдықтар «Қазақстан халқына» қайырымдылық қорының негізінде құрылған «Батыр боламын» қоғамдық қорының» қолдауымен жеткізілді. Жабдықтарды «Қазақстан халқына» қайырымдылық қорының президенті Ернұр Сәбікенұлы және «Батыр боламын» қоғамдық қорының негізін қалаушы Асыл мен Арман Балкенұлы ауданға арнайы келіп табыстады. Айта кету керек, аталған бастаманың Торғай еліне келуіне бірден бір себепкер болған, ұсыныс білдірген Лисаковск қаласының БЖСМ-нің басшысының міндетін атқарушы Қайрат Берденбек.
Аудан әкімі Дінмұхаммед Бидашев игі іске мұрындық болған азаматтарға алғысын білдірді. Болашағынан зор үміт күттіретін жасөспірімдер жақсы дайындық жасап, әлемдік деңгейде ауданымызды танытанын баса айтты. Жангелдин аудандық балалар-жасөспірімдер спорт мектебінің директоры Қызылбай Ғалымжанұлы жақсы бастаманың жүзеге асқанына ризашылығын білдірді:
“Бүгінгі күні ауданымыздағы спорт саласына жасалған қолдау – болашақ чемпиондардың қалыптасуына үлкен үлес қосады. «Батыр боламын» қоғамдық қорының демеушілігімен спорт мектебімізге қажетті құрал-жабдықтар жеткізіліп, ауылдардағы үйірмелердің материалдық базасы айтарлықтай нығайды. Бұл – жасөспірімдердің спортқа деген қызығушылығын арттырып, олардың бәсекеге қабілетті, кәсіби спортшы болып қалыптасуына зор мүмкіндік. Осындай игілікті іске бастамашы болған жанашыр азаматтарға шынайы алғысымды білдіремін,»- деді мектеп директоры.
Спорттық жабдықтар аудандық балалар -жасөспірімдер спорт мектебіне қарасты барлық ауыл үйірмелеріне теңдей бөлініп берілетін болды. Бұл жайлы БЖСМ-нің директоры өз сөзінде тілге тиек етті. Заманауи спорттық жабдықтар жас спортшылардың кәсіби деңгейде жаттығуына жағдай жасап, болашақ чемпиондардың шыңдалуына септігін тигізеді. Ауыл жастары үшін жасалып жатқан бұл игі іс – олардың спорттық жетістіктерге жетуіне жол ашатын үлкен мүмкіндік.
Аягөз ФАЗЫЛБЕКҚЫЗЫ
На въезде в районный центр ведется строительство 18 новых двухквартирных жилых домов общей площадью 2…
В Костанае состоялся чемпионат Костанайской области по бирманскому боксу, собравший спортсменов из городов и районов…
Это стало возможным благодаря победе на международном конкурсе в Актау. (далее…)
В Алматы прошел финальный этап республиканской Олимпиады IQanat -одного из крупнейших образовательных проектов Казахстана, направленного…
О Пресногорьковской железнодорожной станции Казахстанских железных дорог, которая находится в северо-восточной части Узункольского района, мало…
Денисов ауданындағы Арыстансор темір жол станциясында таң алакеуімнен жұмыс қыза түседі. (далее…)
This website uses cookies.