Жанат мектеп мақтанышы
Ұлы ұстаз, ағартушы Ахмет Байтұрсынұлының туған күні және Қазақстан халқының тілдері күні қарсаңында Қостанай облысы әкімдігі мәдениет басқармасының «Тілдарын» облыстық тілдерді оқыту орталығының ұйымдастыруымен Ахмет Байтұрсынұлы атындағы «Үздік оқытушы–2024» облыстық байқауы өтті.
Байқаудың негізгі мақсаты ұлт ұстазының әдістемелік еңбектерін зерделеу арқылы оның ұтымды әдіс – тәсілдерін пайдалану және насихаттау. Байқау барысында мемлекеттік тіл оқытушылары өзара бақ сынасып қана қоймай, кәсіби біліктіліктерін жетілдіріп, ересектерге мемлекеттік тілден сабақ берудің сапасын арттырудың оңтайлы әдістерімен бөлісіп, тәжірибе алмасты. Қатысушылар «Бейнесабақ», «Сұрақ-жауап», «Жағдаяттық тапсырмалар» үш кезеңі бойынша өзара сынға түсті. Әр ауданнан он бір оқытушы қатысып, сайыста бақтарын сынады. Аталмыш байқауға аудандық тілдерді оқыту орталығының атынан Қ.Қайдосов атындағы жалпы білім беретін мектебінің қазақ тілі және әдебиеті пәні мұғалімі Жанат Нағмашова қатысып, жүлделі екінші орынға және елу мың теңге ақшалай сыйлыққа ие болды.
«Байқаудан өте жақсы әсер алдым. Нағыз оқытушыларға арналған сайыс. Жылда ұйымдастырылып тұрса, өзіңді жетілдіру, жан -жақты дамыту үшін қатысып отыруға болады. Себебі, байқаудан түйіп алғандарым көп болды. Бірінші жыл қатысып, он бір қатысушының арасынан екінші орын алғаныма қуаныштымын. Алдағы уақытта байқаудан үйренген әдіс тәсілдерді сабақ барысында қолдатын боламын »,-дейді Жанат Айкелдіқызы.
Байқау жеңімпаздарымен өзге де қатысушылар «Тіл-рухани қазына» атты облыстық іс-шарада салтанатты түрде арнайы дипломдармен, алғысхаттармен және ақшалай сыйақылармен марапатталды.
Аягөз ФАЗЫЛБЕКҚЫЗЫ
Каждый год 23 июня в Казахстане отмечается День полиции. (далее…)
Адам жанының арашасы болып, денсаулық сақтау саласында аянбай еңбек етіп жүрген ақ халатты абзал жандарға…
Нуржамал Баяхметовна говорит, что о вручении награды такого уровня узнала за дня три до мероприятия…
Штат аппарата акима Наурзумского района насчитывает 20 государственных служащих и 21 внештатный сотрудник. (далее…)
Тишина, порядок и культурный отдых, такая формула жизни небольшого села в Денисовском районе. (далее…)
В третье воскресенье июня в Казахстане отметили День медицинского работника — профессиональный праздник людей, которые…
This website uses cookies.