Жас спортшыларға зор мүмкіндік береді
Қазақ спорт және туризм академиясы мен «Halyk» қайырымдылық қоры ауыл спортын дамыту мақсатында «Auyl sport» жобасын жүзеге асыруды қолға алғаны белгілі.
«AUYL SPORT-2024» өңірлік жобасы бұқаралық спорттың дамуына септігі мол. Ауыл балаларын спортқа тарту, ауылды жерлердегі жаттықтырушылардың біліктілігін арттыруға бағытталған бірегей жоба алғаш рет облыс орталығында бастау алды.
«Жоба аясында спорттың 6 түрі бойынша аудан – облыс – республикалық деңгейде турнирлер ұйымдастырылды. Волейбол, баскетбол, шахмат, бокс, еркін күрес спорт түрлерінен өткен лигаға аудандық балалар-жасөспірімдер спорт мектебінің балалары қатысты. Волейбол ойынына қатысқан 8 команданың ішінен жерлестеріміз бірінші орынды жеңіп алды. Ал, қыз балалар командасы үшінші орынды місе тұтты. Бокстан 57 кг салмақ дәрежесінде Нұрәділ Жұмахан бірінші орынды иеленді. Жүлделі орын алған ұлдар командасы мен бокс жеңімпазы Алматы қаласында өтетін «AUYL SPORT-2024» өңірлік жобасының республикалық лигасына жолдама алды», – дейді жаттықтырушы Рүстем Нығымет.
Қазіргі таңда Олимпиадаларда, әлемдік чемпионаттарда, өзге де халықаралық додаларда жеңімпаз, жүлдегер атанып жүрген даңқты спортшыларымыздың басым бөлігі ауылдан шыққан. Олар бүгінде ел намысын түрлі ареналарда адал қорғап жүр. Сондықтан, ауыл балаларын қолдауға спортқа бейімдеуге басымдық берілгені көңілге қонымды.
Байбатыр АХМЕТБЕКОВ
Последние пять лет во дворе у семьи Шестаковых гармонично уживаются более двух десятков видов растений.…
Отныне каждый собственник - будь то владелец частного дома, магазина или квартиры в многоэтажке -…
Ақынның мерейтойына Мемлекет басшысы құттықтау жолдады. (далее…)
Жангелдин ауданында биылғы егін жинау науқаны аяқталды. (далее…)
Қаратал ауылында ел тарихына тағзым етіп, өскелең ұрпаққа жағдай жасауға бағытталған қос нысан ел игілігіне…
Қамысты ауданында жыл басынан бері 343 адам жұмыспен қамтылды. (далее…)
This website uses cookies.