Qostanai.Media – ГЛАВНЫЙ ПОРТАЛ

Өнерпаздар жоғары бағаланды

Аудандық мәдениет үйі концерт залында «Ауыл және мәдениет» жобасының қорытынды кеші өтті. Айта кету керек, аталған жоба аудандық мәдениет және тілдерді дамыту бөлімінің басшысы Жанар Асанханқызының бастамасымен жүзеге асты
Ауылдық жерлердегі мәдени ошақтармен кітапханалардың бірлесе отырып жұмыс жасап, ауыл мәдениетін жандандыруы жобаның басты мақсаты. Бір жыл ішінде көптеген ауқымды жұмыстар жасалып, қорытынды кеште әр бір ауылдық клубтар мен кітапханашылар жұмыстың нәтижесімен бөлісті. Арнайы макеттер дайындалып, жұмыстарын қорғады.

Аталмыш жоба Жангелдин ауданының рухани-мәдени жаңғыруы деуге болады. Себебі осы уақытқа дейін ауылдық жерледерде жұмыстың қарқынды жүргенін көрмедік. Қазіргі таңда жұмыс қызу жүруде. Келер жылға жоспар құрылып, алдыға қойған мақсатта бар. Жоба барысында ауылдық мәдени ошақтары мен кітапханалардың бірлесуі арқылы ауыл тұрғындарына мәдени шаралар ұсынуды мақсат етіп қойған болатын. Жоба аясында жыл бойы 12 ауқымды іс-шара өткізілді.

Қорытынды кеш жоғары деңгейде өтті. Жоба жайында, он екі айда атқарылған жұмыстарды саралап, аудандық мәдениет және тілдерді дамыту бөлімнің басшысы Жанар Асанқанқызы баяндама жасады. Жангелдин ауданы әкімінің орынбасары Еренбол Қайырбекұлы жобаның сәтті аяқталуымен қалың көпшілікті құттықтап,жылы лебізін арнады.

Жоба қорытындысы бойынша «АУЫЛ және МӘДЕНИЕТ» жобасы аясында «Жоғары кәсіби жетістіктері мен ауылдық мәдениетті дамытуға қосқан елеулі үлесі үшін» номинациясымен «Бидайық ауылдық кітапханасы», «Көлқамыс ауылдық мәдени клуб үйі мен кітапханасы», «Ахмет Байтұрсынұлы ауылдық мәдени клуб үйі мен кітапханасы», «Қызбел ауылдық мәдени клуб үйі мен кітапханасы», «Сарысу ауылдық мәдени клуб үйі мен кітапханасы», «Шилі ауылдық мәдени клуб үйі мен кітапханасы», «Ақкөл ауылдық мәдени клуб үйі мен кітапханасы» марапатталды.

Жүлделі 3 орынды «Милісай ауылдық мәдени клуб үйі» мен «Шеген ауылдық кітапханасы» иеленсе, «Көкалат ауылдық мәдени клуб үйі» мен «Жаркөл ауылдық кітапханасы» екінші орынға табан тіреді. Жүлделі 1 орын «Ақшығанақ ауылдық мәдени клуб үйі» мен «Аралбай ауылдық кітапханасы» жеңіп алды. «Қалам-қарасу ауылдық мәдени клуб үйі мен кітапханасы» және «Сужарған ауылдық мәдени клуб үйі мен кітапханасы» «ҮЗДІК » деп танылды. Жүлдегерлерге арнайы мадақтамалар, жеңімпаздарға бес домбырадан сыйлыққа берілді.

Аягөз ФАЗЫЛБЕКҚЫЗЫ