14 жылдан кейінгі жетістік
Жуырда облыс әкімі Құмар Ақсақаловтың қатысуымен «Мәдениет және өнер қызметкерлері күні» мерекесіне орай салтанатты жиын өтті.
Өнер адамдарының бас қосуында облыс өңірінің мәдениетінің дамуына үлес қосып жүрген өнер майталмандары жоғары дәрежелі атақтармен наградталды. Өлшеусіз еңбек қосып жүрген өнер адамдары Қазақстан Республикасы Мәдениет және ақпарат министрлігінің «Мәдениет саласының үздігі» төсбелгісін, Құрмет грамотасын және Алғыс хатын, облыс әкімінің Құрмет грамоталарын иеленді. Аймақ басшысы салтанатты түрде табыстап, тілектестігін білдірді. Сонымен қатар, ХХХVII облыстық «Өнеріміз саған, Қазақстан!» байқау – фестивалінің жеңімпаздарын марапаттады.
Ауданымыздың көркемөнерпаздарының бәсі басым болып, аталмыш байқаудың 3 орын иегері атанды. 1 млн теңге ақшалай сыйлыққа қол жеткізді. Бұл біздің аудан үшін көптен күткен қуаныш еді. Араға 14 жыл уақыт салып, өнердің биік шыңын бағындырған өнерпаздардың төбесі көкке үш елі ғана жетпей қалды. Әр жыл сайын жаңашылдықты, ізденісті талап ететін фестивалдің ережесіне сай өнер көрсете алмай келгенбіз бе деген ой келеді. Ол кезде аудан әкімдігінің тарапынан қолдау болмады десек, көзбе – көз өтірік айтқандығымыз болар. Қолдауда болды, ізденісте болды. Бір ғана кем бір дүние, жаңашылдықты заман талабына бағыттай алмағандығымыздан болды ма деген күдік бар. Ақиқаты да осы шығар. Жасыратыны жоқ жеңіске жетуге Б.Хамзин атындағы өнер мектебі мен «Dan – As» үйірмесінің ықпалы зор болды. Сондай – ақ, мәдениет және тілдерді дамыту бөлімінің басшысы Жанар Асанханқызының «Ауыл және Мәдениет» жобасының да септігі тиді. Бұл аталған жоба облыстық фестивалға дейін түсінген адамға «Шеберлік сағаты» сияқты өтті. Осы арқылы өнер адамдары ізденіске бет бұрып, бойларындағы өнерлерін шыңдады. Жанар Шалабайдың авторлық жобасы биыл да өз жалғасын табады. Келер жылы облыстық өнер байқауында бірінші орынның тұғырынан көрінеміз деген сенім бар. Лайым жылда солай болғай…
Талабын ұштап, талантты бағалай білсек, әлі талай біздің өнерпаздар биік белестерді бағындырып, өнер додаларында топ жаратын болады.
Байбатыр АХМЕТБЕК
Этот торжественный день аграрии с нетерпением ждут весь год, чтобы подвести итоги сельскохозяйственного года и…
Қамысты командасы сәтті өнер көрсетті (далее…)
Пенсионерка Нина Чопова просто решила однажды - пора воплощать идеи в реальность. (далее…)
В ТОО «Кайсар-Агро» знают: если что-то сломалось, если требуется совет, помощь или просто надежное плечо…
Ел мерейін көтерді (далее…)
Село Троебратское Узункольского района, что на границе с Северо-Казахстанской областью, считается окраиной. (далее…)
This website uses cookies.