Қостанай облысында республикалық маңызы бар А-16 «Жезқазған – Арқалық – Петропавлов» автожолының 252–339 шақырымдар аралығындағы учаскесі толықтай орташа жөндеуден өтті.
Аталған жол бөлігі Арқалық қаласынан Ұлытау облысының шекарасына дейін созылып жатыр. Жалпы ұзындығы – 71 шақырым.
Көп жылдан бері көлік қозғалысының үлкен жүктемесін көтеріп келген бұл бағыттың жаңартылуы өңір тұрғындары үшін маңызды инфрақұрылымдық жоба болып отыр.
Жөндеу жұмыстары бірнеше мердігер ұйымның қатысуымен жүзеге асырылды. Атап айтқанда, «Алюминострой», «Омар-Транс», «АвтодорсервисНС» компаниялары құрылыс жұмыстарын атқарды. Ал техникалық қадағалауды «Жаңа Консалтинг ЛТД» және «D&J EMPORIO» мекемелері жүргізді.
Мамандардың айтуынша, жолдың бұл бөлігі өткен ғасырдың 80-жылдары салынған және тозу деңгейі жоғары болған. Осыған байланысты жөндеу барысында кешенді техникалық шаралар қолға алынды. Жол жамылғысы ресайклирлеу әдісімен қайта өңделіп, қалыңдығы 6 сантиметр асфальтбетон қабаты төселді, жол жиегі бекітіліп, жаңа жол таңбалары сызылды. Бұл жұмыстар жол сапасын арттырып, оның қызмет ету мерзімін ұзартуға мүмкіндік берді.
Жобаны жүзеге асыруға 192 бірлік жол-құрылыс техникасы мен 258 маман жұмылдырылды. Мұндай ауқымды ресурстардың тартылуы жұмыстың белгіленген мерзімде әрі сапалы орындалуын қамтамасыз етті.
– Бұл жол бөлігінің жаңартылуы көлік қозғалысының қауіпсіздігін арттырып, Арқалық қаласы мен көршілес елді мекендер арасындағы байланысты күшейтеді. Сонымен қатар жүк және жолаушылар тасымалының тиімділігі де едәуір жақсарады, – деді «Қазавтожол» АҚ Қостанай облыстық филиалының сапалық бақылау және қабылдау бөлімінің басшысы Вячеслав Иноземцев.
Жаңартылған автожол өңір экономикасының дамуына, әлеуметтік және логистикалық байланыстардың нығаюына оң әсер етеді деп күтілуде. Барлық жұмыстар бекітілген өндірістік кестеге сәйкес толық көлемде аяқталды.
Жолдың пайдалануға берілуіне арналған салтанатты шара барысында ел ақсақалы Қаратай Нұрманов атқарылған игі іске тұрғындар атынан алғысын білдіріп, ел мен елді жалғаған жолшыларға ақ батасын берді.
Шұға ҚОҢҚАБАЙ
Суреттерді түсірген – Мұрат Жүнісұлы
В райцентре, как и по всему району, ведется планомерная работа по сносу аварийных зданий, средства…
Бірлігі бекем, ынтымағы берік ауыл (далее…)
Шығармашылық өнер дана халқымызға ата-бабамыздан мұраға болып келе жатқан қасиет. (далее…)
Патрульные полицейские остановили КамАЗ водитель которого, находясь за рулём многотонного большегруза, грубо нарушал ПДД и…
Наверное, такова природа человеческая, что в конце каждого календарного года подводятся итоги года минувшего и…
Развитие малого и среднего бизнеса остаётся одним из ключевых приоритетов государственной политики. (далее…)
This website uses cookies.