Қостанай ауданындағы №1 Заречный жалпы білім беретін мектебінде Республика күніне орай және «Заң мен тәртіп» идеологемасын іске асыру аясында «Жас көшбасшылар – заңды қоғамға!» атты облыстық форум өтті.
Маңызды шараға Қамысты ауданынан да оқушылар қатысып, өз білімдері мен тәжірибелерін толықтырып қайтты.
Форумға Қамысты ауданының Қамысты №1, Қамысты №2, Қарабатыр және Краснооктябрь жалпы білім беретін мектептерінен барлығы 5 оқушы қатысты. Олар мектептегі өзін-өзі басқару жүйесін дамытуға, көшбасшылық қабілеттерін шыңдауға және құқықтық мәдениетті қалыптастыруға бағытталған шараға белсене араласты.
Облыстық форумның басты мақсаты – жас ұрпақтың құқықтық сауаттылығын арттыру, белсенді азаматтық ұстанымын қалыптастыру және қоғам өміріне үлес қосуға дайын жауапты көшбасшыларды тәрбиелеу.
Іс-шара барысында қатысушылар шақырылған сарапшылармен кездесіп, тәжірибе алмасты, пікірталастар мен интерактивті сессияларға қатысты. Сондай-ақ медиа саласының өкілдері – блогер Артём Лисогор мен шоумен, жүргізуші әрі режиссер Жалғасбек Шөкеновпен кездесіп, аудиториямен байланыс орнату, тың идеяларды жүзеге асыру және ортақ мақсатқа жұмылу жөнінде пайдалы мағлұмат алды.
Форум аясында жастар «Заң мен тәртіп» қағидатының маңызын талқылап, мектеп өміріндегі өзекті мәселелерді шешу жолдары туралы ой бөлісті. Мұндай кездесулер оқушылардың көшбасшылық қасиеттерін дамытып қана қоймай, олардың жауапкершілігін арттырып, жаңа бастамаларға жол ашады.
Форумға қатысқан оқушылардың бірі өз пікірін білдіріп, мектеп парламентінің президенті болу үлкен жауапкершілік жүктейтінін атап өтті. Оның айтуынша, көшбасшы оқушылардың мүддесін қорғап қана қоймай, өзгелерге үлгі бола білуі керек. Ал «Заң мен тәртіп» бағыты жастардың құқықтық мәдениетін қалыптастырып, болашақта қоғам мен елдің дамуына үлес қосатын азамат болып қалыптасуына ықпал етеді.
Облыстық форум Қамысты ауданының оқушыларына жаңа білім алып, тәжірибе жинақтауға, өзге мектептердің белсенді жастарымен танысып, тың идеялармен бөлісуге мүмкіндік берді.
Шұға ҚОҢҚАБАЙ,
Суретті жолдаған Дина Нұғманова
Формирование правового государства и воспитание ответственных, активных граждан — стратегические ориентиры, о которых неоднократно подчеркивает…
«Кітап оқитын ұлт» идеясы аясында жас ұрпаққа туған өлкенің тарихын танытуға бағытталған игі бастама жүзеге…
Денисов ауданының параспортшысы Светлана Иржанова Жапонияның Аичи-Нагоя қаласында өтіп жатқан Азия Пара ойындарында Қазақстан құрамасының…
«Үлгілі ауыл – Лучшее село» облыстық байқауында Арқа ауылы «Үздік ауыл» аталымында жеңімпаз атанды. (далее…)
Абай облысының Семей қаласында Республика күніне орай журналистер мен баспасөз хатшылары арасында республикалық спартакиада өтті.…
В ДК «Алтын дән» прошло награждение известных деятелей социальной сферы, представителей общественных объединений и фондов,…
This website uses cookies.