Ол мал шаруашылығын дамытпақ.
Қамысты ауданында «Ауыл аманаты» бағдарламасы аясында ауыл тұрғындары кәсіптерін дамытып келеді. Солардың бірі – Аралкөл ауылының тұрғыны Сәуле Алшынбаева.
Елімізде ауылды қолдауға бағытталған маңызды жобалардың бірі – «Ауыл аманаты» бағдарламасы. AMANAT партиясы бастамасымен жүзеге асып жатқан бұл жоба ауыл тұрғындарына жеңілдетілген несие алып, өз кәсібін бастауға және кеңейтуге мүмкіндік береді.
Қамысты ауданына қарасты Аралкөл ауылында тұратын Сәуле Алшынбаева осы бағдарламаның игілігін тиімді пайдаланып отыр. Ол «Тобыл» әлеуметтік-кәсіпкерлік корпорациясы арқылы 9,5 млн теңге көлемінде несие алған. Қаржы жылдық 2,5 пайызбен 7 жыл мерзімге рәсімделген. Бағдарлама шарттарына сәйкес, алғашқы екі жылда негізгі қарызды өтеу қарастырылмаған.
Алынған қаражатқа кәсіпкер отбасы Федоров ауданындағы шаруашылықтан 13 бас асыл тұқымды қашар сатып алған. Әрқайсысының бағасы шамамен 600 мың теңгені құрап, жалпы сомасы 7,8 млн теңгеге жеткен. Қалған қаражат мал азығы мен қажетті шығындарға жұмсалған.
Қазіргі таңда шаруашылықта 13 қашар, 2 сиыр және 11 бұзау бар. Оның ішінде бірнеше қашар бұзаулап үлгерген.
– Қазір бес қашарым бұзаулады. Мал басы біртіндеп көбейіп келеді. Сүтті өзіміз өңдеп, айран, қаймақ, май дайындаймыз. Бұл отбасымызды табиғи өніммен қамтамасыз етуге мүмкіндік береді, – дейді Сәуле Алшынбаева.
Кәсіпкер мамандығы бойынша мал дәрігері. Бұрын қалада жұмыс істегенімен, кейін ауылға оралып, өз кәсібін дамытуды жөн көрген.
– Қалада тұрғанда көп уақыт жолға кететін. Сол себепті ауылға келіп, өз ісімізді бастадық. Қазір әрі мал өсіремін, әрі ауылда мал дәрігері болып еңбек етемін, – дейді ол.
Отбасы мүшелері де шаруашылық жұмысына белсенді қатысады. Жұбайы да осы салада еңбек етеді, ал балаларының бірі білім алуда, екіншісі аудан орталығында жұмыс істейді.
Алшынбаевтар алдағы уақытта мал басын көбейтіп, сүт бағытындағы ірі қара санын арттыруды жоспарлап отыр. Әсіресе ұрғашы төлді қалдыру арқылы шаруашылықты кезең-кезеңімен кеңейту көзделген.
– Бұл несие біз үшін тек қаржылай қолдау емес, болашаққа жасалған маңызды инвестиция. Шаруашылығымызды кеңейтіп, тұрақты табыс көзін қалыптастыруды мақсат етеміз, – дейді қожалық иесі.
Шұға ҚОҢҚАБАЙ
Суреттер кейіпкердің өзінен алынды
Братья Кажимукан, Валихан и Ермек Башпаевы посвятили свою жизнь ветеринарной службе, а сегодня семейное дело продолжает…
Он стартовал 15 июля и уже стал одним из главных спортивных событий этого лета. За…
Жауынмен жер көгерер деген рас. (далее…)
23 июля Кумар Аксакалов с рабочей поездкой посетил Мендыкаринский район. (далее…)
В Камыстинском районе объявлен конкурс «Лучший дом – лучший двор». Его участницей стала победитель конкурса…
Қазақстан табиғатының сұлулығы мен табиғат қорғаушыларының жанқиярлық еңбегін арқау еткен «Степь» көркем фильмі Науырзым ауданы…
This website uses cookies.