Qostanai.Media – ГЛАВНЫЙ ПОРТАЛ

Ауданға су жаңа КАМАЗ берілді.

Тобыл қаласында өткен салтанатты шара аясында облыстың құтқару бөлімшелеріне 12 жаңа арнайы техниканың кілті табысталды. Оның ішінде Қамысты ауданының №18 өрт сөндіру бөліміне сыйымдылығы үш тонналық су жаңа КАМАЗ (АЦ-3,0-40) автокөлігі бұйырды. Бұл аудан құтқарушылары үшін тарихи сәт, себебі өңірге соңғы рет жаңа өрт сөндіру көлігі сонау 2009 жылы берілген болатын.

Салтанатты шараға ҚР Төтенше жағдайлар министрі Шыңғыс Әрінов арнайы қатысып, жеке құрамды құттықтады.

«Біздің ауданымыз үшін ең қауіпті кезең – көктем мен күз айлары. Биылдың өзінде біздің жасақ 20-дан астам өртті тіркеп, оларды дер кезінде ауыздықтады. Жаңа 3 тонналық КАМАЗ техникасының берілуі біздің шұғыл әрекет ету мүмкіндігімізді айтарлықтай арттырады», – дейді аудандық ТЖБ №18 өрт сөндіру бөлімінің бастығы, азаматтық қорғау майоры Фархат Сәлімжанұлы.

Қамысты ауданында құтқару қызметі тек техникамен ғана емес, инфрақұрылымдық жағынан да дамып келеді:Ғимаратты жөндеу: 2025 жылы аудан әкімдігінің және аудан әкімі Ерлан Жаулыбаевтың қолдауымен өрт сөндіру бөлімінің ғимараты толық жөндеуден өтті. Оған 27,9 млн теңге жұмсалды. Аталған бөлімге 2021 жылы «Камаз Кунг» қосымша көмекші техникасы, ал 2024 жылы «TOYOTA Hilux» көлігі берілген. Қазіргі таңда бөлімде 3 өрт сөндіру техникасы мен 3 қосымша көмекші көлік қызметте тұр.

Қостанай облысындағы салалық қаржыландыруСоңғы үш жыл ішінде өңірдегі төтенше жағдайлар жүйесін дамытуға бюджеттен 3 миллиард теңгеден астам қаражат бөлінген.

Орман мекемелерін жарақтандыруға соңғы 3 жылда 8 миллиард теңгеге жуық қаражат бағытталды. Бұл қаражатқа 51 өрт сөндіру машинасы, 86 трактор және басқа да техникалар алынып, орман мекемелерінің өрт сөндіру машиналарымен қамтылу көрсеткіші 100 пайызға жетті.

Шұға ҚОҢҚАБАЙ
Суреттерді түсірген: Бердіболат КӨРКЕМБАЕВ