Арқалық қаласы әкімдігінде мемлекеттік қызметшілерге іссапар шығындарын төлеу кезінде бірқатар заңбұзушылықтар анықталды.
Кейбір қызметкерлерге тиесілі қаражат толық төленбесе, басқа жағдайларда бюджет қаражаты артық аударылған. Бұл туралы Kazinform агенттігінің тілшісі хабарлайды.
Қостанай облысы бойынша Мемлекеттік қызмет істері агенттігінің департаменті Арқалық қаласы әкімдігінде іссапар шығындарын төлеу тәртібіне талдау жүргізген. Нәтижесінде төлемдерді есептеу барысында кем төлеу де, артық төлеу де болғаны анықталды.
Тексеру қорытындысына сәйкес, 41 жағдайда іссапар шығындары 440 мың теңгеден астам сомаға кем төленген. Сонымен қатар, 38 дерек бойынша шамамен 550 мың теңге көлемінде артық қаражат бюджеттен негізсіз аударылған. Бұдан бөлек, іссапар шығындарының 4 жағдайда уақытында төленбегені белгілі болды, бұл мемлекеттік қызметшілердің құқықтарын тікелей бұзу болып саналады.
Департамент өкілдері іссапар шығындары мемлекеттік қызметшілер үшін заңмен кепілдендірілген әлеуметтік төлем екенін атап өтті. Төлемдердің толық әрі белгіленген мерзімде жүргізілуі міндетті. Кем төлем қызметкерлердің мүддесіне зиян келтірсе, артық төлем бюджет қаражатының тиімсіз жұмсалуына әкеп соғады.
Қабылданған шаралардың нәтижесінде барлық анықталған заңбұзушылықтар жойылды: қызметкерлерге төленбеген қаражат толық көлемде беріліп, артық аударылған қаржы бюджетке қайтарылды.
Шұға ҚОҢҚАБАЙ
Суретті түсірген – Бердіболат КӨРКЕМБАЕВ
Денисов ауданында 60 және одан жоғары жастағы ардагерлер арасында шағын футболдан турнир өтті. (далее…)
Из заснеженной Пресногорьковки, что в Узункольском районе, в далёкую олимпийскую деревню, близ итальянского города Милана,…
Тәуелсіздік – бізге оңайлықпен келген жоқ. Бұл – ата-бабаларымыздың сан ғасырлық аңсаған арманы мен азаттық…
Управление строительства, архитектуры и градостроительства акимата Костанайской области инициировало важный проект по защите государственного лесного…
На базе завода Kia Qazaqstan прошло расширенное совещание по итогам социально-экономического развития Костанайской области за…
Камнем преткновения стали ЭЦП, которые использовали не их законные владельцы, а коллеги госслужащих. По закону…
This website uses cookies.