Ұлттық құндылықтарды дәріптеуді мақсат еткен бұл шара жыл сайын өз жалғасын тауып келеді. Фестиваль барысында ауылдың ақ жаулықты аналары мен шебер келіндері бауырсақтың сан түрін пісіріп, өзара бақ сынады.
Аталған байқауда Қожа ауылынан келген Тапалова Гулжахан бауырсақтың 35 түрін дайындап әкеліп, өзінің шеберлігін дәлелдеп, жүлделі І орынды иеленді. Қазылар алқасы бауырсақтың санына, тағамның дәмі, сапасы, сыртқы көрінісі мен ұсынылуына жоғары баға берді.
Мерекелік шарада әннен шашу шашып көрермендерге көтеріңкі көңіл-күй сыйлады. Қонақтар бауырсақтың сан түрінен дәм татып, ұлттық дәстүрдің мәнін терең сезінді.
– «Алтын бауырсақ» фестивалін өткізудегі басты мақсатымыз – ұлттық тағамдарымызды дәріптеп, ұмыт бола бастаған дәстүрлерді қайта жаңғырту. Биылғы шараға қатысушылар ерекше дайындықпен келіп, өз шеберліктерін жоғары деңгейде көрсетті. Әсіресе, Қожа ауылынан келген қатысушының бауырсақтың 35 түрін ұсынуы көпшілікті тәнті етті. Мұндай фестивальдер ауыл тұрғындарының бірлігін арттырып, жас ұрпаққа ұлттық құндылықтарды насихаттауда маңызды рөл атқарады. Алдағы уақытта бұл игі бастаманы дәстүрлі түрде жалғастыра береміз, дейді ұйымдастыру комитеті.
Дәстүрлі түрде ұйымдастырылатын бұл фестиваль халықтың бірлігін нығайтып, ұмыт бола бастаған салт-дәстүрлерді жаңғыртуға зор ықпал етуде.
Жібек МЫРЗАҒАЛИ
Фотоны түсірген автор
Проект, разработанный проектной компанией ТОО «ЭНЕРГОИНФОРМПРОЕКТ», охватывает весь больничный комплекс общей площадью более 3,3 гектара.…
Ұрпақ тәрбиесі мен ұлт саулығына саналы ғұмырын арнаған қастерлі де жауапты мамандық иелері – педагогтер…
Проект предусматривает демонтаж старых конструкций, перенос проекторов, монтаж новых металлических опор и их подключение. (далее…)
Волонтеры ОФ «Жанашыр бол» совместно с полицейскими Костанайского района 24 июня встретились с участницами клуба…
Ауылдың таңымен бірге оянып, оның әрбір қуанышы мен мұңын жүрегінен өткізетін жандар болады. (далее…)
Ауданымызда «Жасыл ел» жастар еңбек жасағы маусым айының басында өз жұмысын бастады. (далее…)
This website uses cookies.