Көкпардан жасөспірімдер арасында өткен чемпионат.
Науырзым ауданында 2006-2010 жылы туған жасөспірімдер арасында көкпар және аударыспақтан Қостанай облысының чемпионаты өз мәресіне жетті. Науырзым ауданы әкімінің жүлдесіне арналған бұл доданың аймақ тарихында орны ерекше – өңірде жасөспірімдер арасында алғаш рет көкпардан ресми жарыс ұйымдастырылып отыр. Айтулы шараның жалпы жүлде қоры 5 миллион теңгені құрады.
Дәстүрлі ұлттық спорт түрлерін дәріптеуді көздеген бәсекеге облыс бойынша 5 мықты көкпар командасы қатысып, бақ сынады. Жарыс барысында жас шабандоздар жоғары дайындықтары мен ептіліктерін көрсетіп, көрермендерге тартысты да қызықты ойын сыйлады.
Турнир қорытындысы бойынша жүлделі орындар келесідей бөлінді. бірінші орын «Торғай» командасы (Жангелдин ауданы) жеңіп, чемпион атанды. Екінші орын «Олжа» командасына (Қостанай ауданы) бұйырса, үшінші орынды «Байтұма» командасы иеленді.
«Мұндай жарыстар – ұлттық құндылықтарды дәріптеп қана қоймай, жас ұрпақты батылдыққа, ептілікке және салт-дәстүрге құрметпен қарауға тәрбиелейтін маңызды шаралардың бірі. Көкпар мен аударыспақ – халқымыздың рухы мен жігерін танытатын төл спортымыз. Сондықтан ұлттық мұрамызды ұлықтайтын мұндай бәсекелердің маңызы зор», – дейді ұйымдастырушылар.
Биылғы чемпион атанған Жангелдин ауданының «Торғай» командасының құрылғанына небәрі үш жыл болған. Аз уақыт ішінде үлкен нәтиже көрсеткен ұжымның сапында 12 спортшы өнер көрсетті. Команда жетекшісі, көкпардан ҚР спорт шебері Жүрсін Абылайхан, ал жаттықтырушысы, ҚР спорт шеберіне үміткер Қасқырбай Дархан.
Жангелдин ауданынан қатысқан Абылайхан Жүрсін команданың бұл жеңісі мен өңірдегі ұлттық спорттың дамуы туралы өз ойын бөлісті.
«Біздің жастардың бұл жеңісі – үлкен еңбек пен дайындықтың жемісі. Торғайда көкпардың жандана бастағанына небәрі 3 жыл болса да, балаларымыз облыс деңгейінде жоғары нәтиже көрсетіп келеді. Өткен жылы екінші орын алсақ, биыл үлкендер арасында күміс жүлде иеленіп, міне, жасөспірімдер арасында бас жүлдені қанжығаға байладық. Бұл – біз үшін үлкен мақтаныш және алдағы үлкен белестердің бастамасы», – деп атап өтті Абылайхан Жүрсінұлы
Айта кету керек, «Торғай» командасы биылғы маусымда облыс бойынша ең нәтижелі ұжымдардың біріне айналып отыр.
Шұға ҚОҢҚАБАЙ
Суреттерді түсірген – Жібек МЫРЗАҒАЛИ
Денисов ауданының әкімдігі облыстық мәдениет басқармасымен бірлесе ауылдық мәдениет үйлері мен кітапханалардың қызметкерлеріне арналған әдістемелік…
Жангелдин ауданында медицина саласындағы кадр тапшылығы өзекті мәселелердің бірі болып отыр. (далее…)
Денисов ауданында жергілікті күйші-композитор Бекзат Ғазезовтың шығармашылығына арналған облыстық домбырашылар фестивалі өтті. (далее…)
Встреча прошла в актовом зале учебного заведения и на нее собрались около 100 человек. Педагоги…
Ливанов ауылындағы «Алиев» шаруа қожалығында 2027 жылғы егіс науқанына дайындық жұмыстары басталды. (далее…)
В Аркалыке прошла масштабная инспекция объектов тепло- и водоснабжения. (далее…)
This website uses cookies.