Кэтрин Майер мемлекеттік тілді жетік меңгерген неміс қызы.
Ол №3 Денисов жалпы білім беретін мектебінің 11-сыныбында оқиды. Қазақша таза сөйлейтін Кэтрин Қостанай қаласында өтіп жатқан республикалық форумға қатысуда. Қазақстан халқы Ассамблеясы ұйымдастырған форум «Ұлы даланың ұлтаралық тілі» деп аталды.
Іс-шараның пленатрлық отырысына ҚР Парламенті Сенатының депутаты Генадий Шиповских, Қазақстан халқы Ассамблеясы жанындағы Аналар кеңесі төрағасының орынбасары, синхронды аударма саласының негізін қалаушы Камал Әлпейісова, Қостанай облысы әкімінің орынбасары Бақытжан Нарымбетов қатысты. Сондай-ақ еліміздің басқа да облыстары мен қалаларынан көптеген делегаттар келді. Денисов ауданының атынан Кэтрин Майер бар.
Басқосуда этносаралық келісімді нығайту және мемлекеттік тілдің қолданыс аясын кеңейту мақсатында жүзеге асып жатқан жобалар туралы айтылды. Қазақстан халқы Қостанай облыстық Ассамблеясының атқарып жатқан жұмысына шолу жасалды. Бұл форумның мақсаты – мемлекеттік тілдің аясын кеңейту және этносаралық келісімді нығайту.
Ауданымыздың мақтанышы Кэтрин Майер мемлекеттік тілді шебер меңгерген үлгілі оқушы. Ол қазақ тіліне деген алғашқы қадамын мемлекеттік тілдегі шағын орталықтан бастаған. Бүгінде қара шаңырақ – қазақ мектебінде білім алып жүр. Кэтрин Майер бір сөзінде «Қазақ тілі менің биік белестерге шығуыма жол ашты. Сондықтан қазақ халқына, қазақ тіліне деген ризашылығым шексіз» деген болатын. Оның мемлекеттік тілге деген құрметі көпке үлгі.
Қымбат ДОСЖАНОВА
Суретті түсірген автор.
- Сотрудники полиции несут службу в штатном режиме, но, несмотря на это, жители региона все…
Денисов ауданы бойынша пробация қызметінің есебінде тұрған азаматтарға кешенді қолдау көрсету жұмыстары үздіксіз жүргізілуде. (далее…)
Многодетные мамы получили награды за самоотверженность и любовь к детям, заслужив особое признание. (далее…)
В зимний период снегопады значительно осложняют передвижение пожилых людей и создают опасность при выходе из…
26 января ранним утром легковой автомобиль Toyota Celica застрял в снегу на 29-м километре дороги…
Біз оқырман назарына Торғай мұражайлар кешенінен табылған құнды жәдігердің тарихын ұсынуды жөн көрдік. (далее…)
This website uses cookies.