Денисов ауданың аумағындағы барлық білім беру ұйымдары заманауи үлгідегі бейнебақылау камераларымен жабдықталды.
Барлығы 723 камера орнатылыпты. Соның 403-і аналогты бейнекамера. 2025 жылы бақылау техникалары 320 цифрлық бейнекамерамен толықты. Осылайша мектептердегі қауіпсіздік шаралары күшейе түсті.
«Он бір білім беру ұйымы жедел басқару орталығына қосылған. Олар Аят жалпы білім беретін мектебі, Фрунзе жалпы білім беретін мектебі, Глебов жалпы білім беретін мектебі, Қырым жалпы білім беретін мектебі, Перелески жалпы білім беретін мектебі, №1 Денисов жалпы білім беретін мектебі, №2 Денисов жалпы білім беретін мектебі, №3 Денисов жалпы білім беретін мектебі, Свердлов жалпы білім беретін мектебі, Антонов негізгі орта мектебі, Балалар шығармашылық үйі, мектепке дейінгі үш ұйым» делінген Денисов ауданының білім бөлімі жолдаған деректе. Қалған 13 мектепте турникеттер орнатылыпты. Аудан орталығындағы екі балабақшада домофон жүйесі жұмыс істейді. Бұл игі іс те балғындардың қауіпсіздігі үшін қолға алынған. Автоматтандырылған өрт дабылы жүйесі жоғарыда аталған 29 білім беру нысаның бәрінде бар. 26 білім беру мекемесіне дабыл түймелері қойылды. Аудан орталығындағы үш мектеп, шығармашылық үйі және екі балабақшаға лицензияланған күзет қызметі енгізілген.
2025 жылғы 1-қазаннан бастап аудан мектептеріне жәбірлеудің алдын алуға бағытталған «ДосболLiKe» антибуллингтік бағдарламасы енгізілді. Оны жүзеге асыру шеңберінде 462 профилактикалық іс-шара ұйымдастырылған, соның 364-і оқушыларға арналған сабақ және тренинг, 98-і ата-аналардың қатысуымен өткен. Сондай-ақ, Денисов ауданының мектептерінде «Код Актив: Жедел көмек бағдарламасы» іске қосылды. Ол QR код пайдалану арқылы анонимді ақпарат жіберуге негізделген. Бағдарлама буллингтің алдын алу және оқушыларға дер кезінде көмек көрсетуді көздейді. Қиындыққа тап болған әр оқушы өзінің жағдайын QR кодтың көмегімен құпия түрде баяндай алады. Аталған жаңашылдық №1 Денисов жалпы білім беретін мектебінде, №2 Денисов жалпы білім беретін мектебінде, Перелески жалпы білім беретін мектебінде, Фрунзе жалпы білім беретінде мектебінде, Антонов негізгі орта мектебінде енгізілген.
Қымбат ДОСЖАНОВА
Суреттерді түсірген – Валерий Канищев.
Во время встречи каждому обратившемуся подробно объяснили, с чего начать и куда обращаться в случае…
Бала күні кеше ғана үлкен өмірге қадам басып, ақ халат киюді армандаған жас жеткіншектер бүгінде…
Мемлекет басшысы Қасым-Жомарт Кемелұлы Тоқаев құқық қорғау органдарының басшыларымен өткен кеңесте «Заң және Тәртіп» қағидатын…
Алтынсарин ауылының тұрғыны Дәурен Ержанов «Ауыл аманаты» бағдарламасының мүмкіндігін пайдаланып, жылқы шаруашылығын қолға алды. (далее…)
Волонтеры ОФ «Жанашыр бол» совместно с полицейскими Костанайского района 22 сентября встретились с населением Московсковского…
Участники разбирали реальные ситуации, учились отличать травлю от обычного конфликта и говорили о признаках, по…
This website uses cookies.