«Тұлпар мініп, ту алған!» жобасының жеңімпазы аудандық кезеңге жолдама алды.
А.Қоңқабаев атындағы жалпы білім беретін мектебінде 5-11 сынып оқушылары арасында облыстық «Тұлпар мініп, ту алған!» байқауының мектепішілік кезеңі өтті.
Мектеп оқушылары арасында өткен байқау өскелең ұрпақтың халық поэзиясына, қазақтың рухани асыл мұрасына деген қызығушылығын оятып, патриотизмге тәрбиелеу және елдік пен ерлік рухын дәріптеп, намысшылдық, қайсарлық қасиеттерге баулуды мақсат тұтады.
Байқауға мектеп бойынша 43 оқушы қатысты. Олардың ішінде эпостық жырды мүдірместен судыратып оқығандары да, әдемі мақаммен, әртістік қабілетін көрсеткендер де, тіпті әуенге салғандар да болды.
«Себебі жобаның мақсаты – қазақ ауыз әдебиетінің алтын өзегі батырлар жырын жастар арасында дәріптеу, өскелең ұрпақтың ұлттық рухын көтеріп, жігерін жану. Елдік пен ерлік, әділдік пен шыншылдық, батырлық пен жанашырлық секілді асыл қасиеттерді жастардың бойына дарыту», – дейді А.Қоңқабаев атындағы жалпы білім беретін мектебінің директоры Мейрамғали Қоңқабаев.
Байқау үш кезеңде өткізілді. Қазылар алқасы қатысушылардың орындау шеберлігін, сахнадағы мінез-құлқын, шығармашылық және интеллектуалды қабілеттерін жан-жақты бағалап, ұсыныстарын жеткізді. Бірінші орынды осы мектептің 10 сынып оқушысы Әмина Төлеміс иеленді. Екінші орындарды 10-сынып оқушысы Жұлдыз Кәдіржан, 7 сынып оқушысы Диана Сапарғали, 5 сынып оқушысы Айшабибі Серкеш өзара бөлісті. Үшінші орынды 9 сынып оқушысы Кәусар Нұрман, 7 сынып оқушысы Айсәуле Әлібек, 6 сынып оқушысы Нұрмұханбет Демесін иеленді.
Байқау нәтижесі бойынша ең жоғары ұпай алған Әмина Төлеміс аудандық кезеңге жолдама алды.
Шұға ҚОҢҚАБАЙ
Сурет А.Қоңқабаев атындағы ЖББМ алынды
ЧСники района держат на особом контроле ситуацию с гибелью людей на воде в своих населенных…
Первую встречу участники посвятили постановке целей и поиску баланса между помощью другим и заботой о…
Президент в своих выступлениях неоднократно подчеркивал: развивать села нужно сообща, и социальная ответственность бизнеса здесь…
Сотрудники отдела по чрезвычайным ситуациям Мендыкаринского района составили на них административные материалы: в виде предупреждения…
Жангелдин ауданында жазғы суға түсу маусымы басталғалы бері құтқарушылар мен құқық қорғау органдары күшейтілген жұмыс…
Жангелдин ауданында мал азығын дайындау науқаны қарқынды жүріп жатыр. (далее…)
This website uses cookies.