Жалпы құны – 700 млн. теңгеге жуық
Аудан әкімі Амантай Балғарин арнайы барып, серіктестік басшысы Азамат Жолаушыбаевпен бірге жаңа кешеннің лентасын қиды. Сондай-ақ, ол диқандармен дидарласып, пайдаланылуға берілген жаңа нысанды аралап шықты.
-Бүгінгі бастамаларыңыз басқаларға үлгі болмақ. Үлкен тәуекелге барып, ауылда осындай ауқымды кешен салып жатсыздар. Осынау тамаша игі істеріңізге береке, табыс тілеймін, – деді аудан басшысы Амантай Кәкімбекұлы.
Кешеннің жалпы аумағы кептіргіш және қоймамен бірге 2000 шаршы метрді құрайды. Жалпы құны – 700 млн. теңгеге жуық.
-Біз, басқа да шаруашылықтардың астығын сақтап береміз. Кешен сағатына 60 тонна астық тазалайды, ал тұқымдық тазалау режимі сағатына 15 тоннаны құрайды, – дейді серіктестік басшысы Азамат Жолаушыбаев.
Айта кетейік, қазіргі заман талабына сай етіп жасалған бұл заманауи құрылғының құрылысы осы жылдың тамыз айында басталған. Оған шаруашылық есебінен 700 миллион теңгеге жуық қаражат жұмсалған. 4 айда салынған бұл қойма астықты тазалап қанай қоймай, кептірумен қатар оның ұзақ мерзімді сақталуына толық кепілдік береді.
Немістің «Пектус» атты бұл құрылғысы түріктің ОВІАЛ технологияларының біріккен жобасы негізінде салынған. Таза отандық металдан жасалған материалдар қолданылған. Ол сағатына 60 тонна астықты тазалауға, 20 тонна астықты кептіруге қауқарлы. Оның іске қосылуы нәтижесінде 2 адам тұрақты жұмыспен қамтылған. Тазалау желісі 90% автоматтандырылған, планшеттен басқарылады.
Алып нысанның құрылысы мен құрылғыларына қыруар ақша жұмсалған. Оның жалпы аумағы 2000 текше метрді құрадйы. Ондағы заманауи құрылғылардың бәрі де сынақтан өткізілген. Астық қабылдайтын таразылар бидайдың сапасын тексереді. Құрамындағы қамырлылығы мен ылғалдылығын өлшейді. Қысқасы, мұнда барлық жағдай жасалған.
Астық қоймасы тәулігіне 500 тоннаға дейін астық қабылдайды. Тіпті астықты егіс даласындағы комбайннан бірден осында тасымалдауға болады. Бұл жерде барлық жұмыс бір мезетте атқарылады. Яғни, тазалап, кептіру жұмыстары жүзеге асады.
Руслан ӘЛКЕЕВ, суреттерді түсірген автор
Ұлттық өнер – халықтың жадын жаңғыртып, рухын асқақтататын асыл қазына. (далее…)
«Ұлттық қор – балаларға» бастамасы Қазақстан Республикасының Президенті Қасым-Жомарт Кемелұлы Тоқаевтың Қазақстан халқына 2022 жылғы…
Как известно, стадия уголовного досудебного расследования начинается с регистрации заявления, сообщения об уголовном правонарушения. (далее…)
Такие данные озвучены в Карасуском отделе полиции во время проведения заседания круглого стола. (далее…)
Еңбектің жалынына шыдап, маңдай терімен күнкөріс қамын жасап жүрген әр маманның қоғам алдындағы жауапкершілігі өлшеусіз.…
В мероприятии приняли участие прокурор Мендыкаринского района Ерлан Сарсенов, глава района Габит Бекбаев и представители…
This website uses cookies.