Ұзынкөл ауданында жұмыспен қамту және әлеуметтік бағдарламалары бөлімі әлеуметтік жобасы аясында кезекті кездесу өтті.
«Ұзынкөл ауданында бас бостандығынан айыру орындарынан босатылған және пробация қызметінің есебінде тұрған азаматтарды қайта әлеуметтендіру және оңалту шеңберінде жұмысты ұйымдастыру» жобасы аясында «Жанашыр бол» қоғамдық қорының заңгері Жасгүл Тоғжанова жобаның негізгі міндеті өмірлік қиын жағдайларға тап болған адамдарға қоғамдағы толыққанды өмірге қайта оралуына жәрдемдесу екенін атап өтті.
Қазіргі уақытта ол жаңа Конституция жобасына енгізілген өзгерістерге тоқталып, пробация қызметінің есебінде тұрған азаматтарға тегін заң кеңестерін ұсынды.
Жасгүл Тоғжанова әрбір қазақстандыққа Конституциядағы алдағы өзгерістер азаматтық қоғамды дамыту және мемлекеттің құқықтық негіздерін нығайту үшін жаңа перспективалар ашатынын жеткізу маңызды екенін атап өтті. Ұсынылған түзетулердің мәнін, олардың әр азаматтың өміріне әсерін түсіну адамдарға референдумда саналы таңдау жасауға мүмкіндік берді. Осы бағыттағы ағартушылық жұмыс белсенді және жауапты азаматтық ұстанымды қалыптастыру үшін стратегиялық маңызға ие болды. Себебі, 1995 жылғы Конституция мәтінінің 80 % – дан астамы, оның ішінде баптардың құрылымы, билік тәртібі және мемлекеттік құрылымның негізгі принциптері өзгерке ұшырады. Іс жүзінде бірнеше түзетулер емес, жаңа Конституция қабылданды. Жаңа Конституция қолданысқа 2026 жылдың 1 шілденісінен енгізіледі.
Түсіндіру жұмыстарынан басқа, жоғарыда айтқанымыздай, пробация бақылауындағы адамдар көбінесе заң көмегіне жүгінеді. Консультациялардың едәуір бөлігі мерзімі өткен несиелік берешектерге қатысты болады, азаматтардың борыштары кейде екі-үштен тұрады, бұл қарыздарды өндіріп алу үшін атқарушылық іс жүргізуді қозғауға әкеледі. Мұндай жағдайларда сот орындаушылары банктік шоттарға тыйым салады және рұқсат етілген 50% орнына барлық жалақыны негізсіз ұстайды, бұл олардың құқықтарын бұзу болып табылады. Бұл жолы да ерекшелік болған жоқ және пробация бақылауындағы азаматтар «Жанашыр бол» қоғамдық қорының заңгеріне осындай мәселелер бойынша жүгінді.
Бақытжамал ДАРКЕНОВА
Продолжая нашу рубрику о жизни в отдаленных уголках района, сегодня мы отправляемся в небольшое село…
Вчерашний вечер в селе Фрунзенское выдался неспокойным. (далее…)
Елімізде денсаулық сақтау саласын дамыту мемлекеттік саясаттың басым бағыттарының бірі болып қала береді. (далее…)
Екі ауылдың арасын жалғаған қара жолдың ой-шұқыры көп еді. (далее…)
Осы күнге дейін қаншама медицина маманымен сұхбаттасыппыз. (далее…)
This website uses cookies.